勁抵10蚊碟拖羅海膽
10蚊可以買到乜？頂多買到一底雞蛋仔或者兩串燒賣？但如果話你知，10蚊可以食到拖羅、海膽或者炸蝦天婦羅，仲要係尖沙咀日本料理店而唔係旺角街邊舖，更加唔係每人只限食一碟而係任食，嘩！估唔到10蚊可以好使又好食！
查詢電話：2375 1232
全場賣一口價
走到亞士厘道的中段，見到有個新招牌，上面寫住「嫓$10 專食店」，沿�顙熉h樓梯往下走，店內裝潢似曾相識，靈光一閃，記起原址前身係一家日本料理店，外表冇太大改動，賣的同樣是日本料理，最大分別係使出廉價攻勢，刺身、壽司、天婦羅甚至鍋物，全部一口價每款10蚊，擺到明將日本100𨦪店的經營概念搬到食店，相比一些限量10蚊菜式更加吸引更多選擇。
$10必食精選
雖然款款都係10蚊，但點食先最抵？只要跟住以下簕必食清單，就抵上加抵喇！
刺身：白拖羅
屬於中腹拖羅，食味和口感當然沒有上腹拖羅好，但入口甘甜無筋，吃時蘸上山葵和豉油，更加鮮味。
刺身：翡翠螺（1隻）
最佳食法是先將螺冰鎮，端上桌之時師傅已將螺起肉切片，螺肉鮮甜有嚼勁，一次鯨吞兩大隻才有滿足感。
炸物：炸蝦天婦羅
脆漿分量控制恰好，入口香脆之餘，亦沒有糊口的不快感，蝦身雖然沒有極彈牙的口感，但亦不失蝦肉的鮮味。
壽司：海膽壽司（1隻）
每日都有10板海膽新鮮登場，亦同樣賣個清光，所以絕無隔夜貨。每件壽司都有6至7件海膽，少許海水味混合海膽的甜味，相當不俗。
一品料理鴨肉釀鵝肝
法國鵝肝被禁以後，內地的鵝肝醬亦成為了主流，師傅先將鴨胸肉燒香，然後用鋼管將中間部分推走，再釀入現成的鵝肝醬，雖然是內地鵝肝，但依然有香滑的口感。
爐端燒：鹽燒秋刀魚
小記本身不吃秋刀魚，如果沒有灌上檸檬汁的話一定難抵魚腥味。鹽燒後的魚肉非常甘香，還有結實的咬口。
鍋物：合鴨鍋
這道合鴨鍋頗受食客歡迎，包括鴨胸肉、津白、金菇和其他雜菜，鍋仔細細分量十足。
一品料理：咖喱魔鬼魚
用黃咖喱醃製魔鬼魚，再放在煎爐燒香，邊皮位置分外滑口，有少許咖喱吊味，味道與別不同。
平得有道理
「如果話係蝕做，好似好誇，不過有部分菜式真係無得賺，如鴨胸鵝肝、咖喱魔鬼魚、新鮮海膽等，本身價格都偏貴，加埋人工、舖租等開支，只可以打個和。」餐廳大廚輝哥說。
咁無理由無得賺都做蕂！原來老闆識好多食品批發商，所以坃貨較平，例如海拖羅，批發價大約要$200一公斤，現在百幾蚊就可以買到，大量入貨又可以再平刋，自然可以降低成本，再加上沿用舊店的裝修家具，慳唔少裝修費，接手不用一、兩星期就可以開業做生意，計落條數先可以賣咁平，睇見佢條人龍就知希望以薄利多銷突圍。
當造貨vs日本貨
可以10蚊食到拖羅、海膽，話你知係日本貨都唔信啦！的而且確，刺身類並非來自日本，就如海膽來自中國大連，這區的水質非常適合飼養海膽，所以有不少海膽養殖場將海膽外銷，加上6月至8月是海膽的當造期，出品同樣肥美；至於拖羅是來自印度洋和太平洋一帶海域，現時有很多漁民，甚至是日本漁船都會前往這些海域捕魚，成功捕獲吞拿魚的機會較高，雖然店內提供的拖羅是一般的吞拿魚而非藍鰭，但10蚊碟有兩塊仲想點。
