紫韻﹏ 30-7-2006 13:50
[轉帖][推薦]((((((**愛上了貓,,,賣爱后第2作
介簡 :
我個名叫方力申,我係一個歌手 8月16日,我發生左車禍 我o既靈魂就快左落隻貓度 就係我覺得冇哂希望o既時候,我遇到佢.... 我個心比佢佔領喇.....
[[i] 本帖最後由 紫韻� 於 2006-7-31 18:12 編輯 [/i]]
紫韻﹏ 30-7-2006 13:51
第一集
方力申:仲有五分鍾就開始喇,快小小好冇?
(方力申今日開演唱會,但因為經理人頭先有事捉住佢講三講四,攪到遲哂)
司機:好喇,我踩行d喇
(就係佢踩行油o個下,前面突然有車切線
踫!架保母車炒埋一邊,車上面o既兩個人滿身紅)
(冇哂知覺,十分鍾唔洗白車就到...... )
方力申: 呀,好險....點解我會係出面o既? 咁多差人圍住我架保母車o既? :
(方力申企係冇幾遠望黎班人,望望下,佢見到自己個身血淋淋,比人抬上白車)
方力申:點解係會咁嫁!?點解我會出左黎嫁!?
(佢跑左去黎班人身邊)
方力申:我係咪死左呀!?我問你呀!我係咪死左呀?!
(冇人見到佢)
方力申:做咩唔應我呀?!
(方力申申手諗住拍落去,但係佢觸摸唔到)
方力申:點解會咁嫁!?我唔通真係....真係死左....
(佢望住自己隻手,個身不停振)
(就係佢不知所燥o既時候...)
方力申:點算好?我要點做?
(有個神秘人出現)
神秘人:方力申...
(方力申一聽到就抬起頭望下)
方力申:你係邊個?你...你見到我?
(方力申好激動咁行過去)
方力申:話比我知!我點解會咁....
神秘人:你個靈魂飛左出黎
方力申:咩話....咁算點呀?我死左呀!?
神秘人:你仲未死,但係因為上頭出左問題,所以先會錯手勾左你出黎
方力申:咁你放返我入去喇!
神秘人:而家唔可以住
方力申:咩唔可以呀!快手呀你!
神秘人:雖然暫時唔可以返你身體,但我地為你搵左個代身,你暫時就等下先 Y{. "
方力申:唔得!!
(神秘人消失左,突然有一個大風將佢吹起,方力申眼前一黑就咁暈左)
(當方力申醒左o既時候,佢就見到一自己係個鐵籠入面,再望出去,佢見到一個醫生.佢諗
住郁下個身,但佢咁一郁就好痛好痛)
方力申:哇,做咩會咁痛嫁?
(佢望下自己個身...)
方力申:點解..點解我周身毛嫁!?
仲...四隻腳o既!? 有條尾!!!!???
(黎個時候,有個女仔行埋黎望住方力申)
世芝:小虎,做咩係度喵喵叫呀?
方力申: 喵喵喵....喵嗚.....喵... [我唔係小虎呀!放我出黎呀!]
世芝:小虎呀,係咪肚餓呀?
方力申:喵嗚....喵....... [我叫你放我出去呀]
世芝:小虎你今日做咩咁嫁?
方力申:喵喵!! [白痴!]
(眼前o既女仔只有16歲,眼大嘴細,一個好可愛o既女仔,之後方力申唔理佢)
世芝:呀哥,小虎幾時好返呀? 呀言:過兩日走得嫁喇佢
(世芝出哂名係動物大使,所以就搵呀哥求救,好彩佢救得返)
世芝:咁我過兩日帶小虎走喇
呀言:你鍾意喇
(世芝自細就冇左爸爸媽媽,因為佢地因交通意外而離世,世芝行返去搵小虎)
世芝:小虎,好快就有得返屋企嫁喇
方力申: 喵喵...喵...喵嗚.... [你黎個女仔係咪傻嫁?同一隻貓講野都有o既!]
世芝:小虎呀,你係咪痛到傻左呀?
方力申: 喵喵...喵...嗚.... [你傻我都未傻!]
世芝:呀!我知喇!你一定係肚餓!
方力申: 喵喵喵! [廢話!]
世芝:我去攞野比你食喇!
(冇幾耐,世芝攞左一碗野過黎)
方力申: 喵喵喵?嗚...喵喵... [貓糧?唔係哇..]
世芝:你要食多D呀!
方力申:喵喵喵!!喵喵喵! [白痴,快d攞走佢呀!好臭呀!]
世芝:你做咩唔食呀?快d食喇!
(世芝攞起一粒貓糧,諗住餵佢食)
方力申:喵喵喵喵!!! [唔食呀,走開呀!]
(方力申張牙舞爪抵抗黎粒臭野)
紫韻﹏ 30-7-2006 13:51
第二集
世芝:做咩唔食呀?你要食多d嫁!
方力申:喵喵喵!!!!!!喵嗚!(痴線嫁你!我唔係貓呀!)
(方力申索性轉身,用個pat pat對住佢)
世芝:呀哥,佢係咪有病呀?點解佢唔食嘅?
呀言:佢好似唔多肯食貓糧
(以佢做咁多年獸醫黎睇,黎隻野確實係傻傻地)
世芝:呀!有車厘子呀!不如試下比佢食呀!
(方力申一聽到車厘子黎三個字就成個人醒哂)
方力申:喵喵??喵喵!!(車厘子??係邊度!!)
(世芝攞左一粒車厘子過黎,方力申一見到就一啖咬落去,食得好滋味) 世芝:呀哥!佢食喇!佢食左呀!
(世芝開心到好似中大獎咁)
方力申:喵喵!!喵喵喵??(好味道!!仲有冇呀??)
(方力申一向都好鍾意食車厘子)
(世芝見佢肯食,所以就再去攞廿幾粒過黎比佢食)
方力申:喵喵喵!!喵嗚...(發達喇!!一大堆...)
(方力申係咁食係咁食,食到最後o個粒,佢以經好飽喇)
方力申:喵...喵喵喵...喵嗚..(好...飽呀,做咩咁大粒嫁...)
(方力申唔記得佢而家係隻貓,對一俊貓黎講,食咁多粒,唔飽都幾難)
世芝:哇!呀哥!小虎食哂呀!
(呀言心諗,黎隻野一定係撞到傻左)
呀言:係係,我見到喇,你過兩日再黎接佢返屋企喇,我要開工喇,唔好阻住我呀
世芝:小虎呀,我要走喇
方力申:喵喵喵!!喵...(慢行慢行!!煩...)
(方力申飽到就黎頂唔住)
(過左兩日,世芝接左小虎(方力申)返屋企)
(世芝屋企有兩隻貓一隻狗一隻金錢龜,黎D小動物全部都係世芝係街救返黎)
(一入到屋就有隻大笨狗黎迎接佢地)
世芝:笨笨,係咪好掛住我呀?
笨笨:旺!
方力申:喵!(白痴!)
世芝:小虎呀,佢地係你屋企人黎嫁,要好好相處呀以後!
方力申:喵喵喵!!喵....(我唔係貓呀!!唉...)
世芝:小虎,我覺得你好似同緊我講野咁...
方力申:喵喵!!喵喵喵喵!!(擺明喇!!點解你咁蠢嫁!!)
世芝:哈哈,我真係傻,貓點會識聽野呢?
(方力申一聽到自己係一隻貓,心情跌落谷底,貓尾貓耳都垂哂落黎)
世芝:小虎??做咩垂哂耳仔呀?
(方力申連頭都垂埋落黎,冇眼睇世芝)
世芝:小虎,係咪唔舒服呀?
(世芝將小虎放係梳化度,再行去房換衫)
(世芝行開左之後,方力申四腳申開,大字型咁扒係度)
方力申:喵?喵喵喵喵....(點算?我可以點做....)
(突然有隻貓貓跳上黎,口度仲咬住左D野)
(方力申定一定神,望左望...一隻..一隻死左嘅老鼠!?)
方力申:喵喵喵!!!喵喵!!(死開呀!!!好臭呀!!)
貓貓:喵嗚...
方力申:喵喵喵嗚...(快D走開喇....)
(黎個時候,世芝落左黎)
世芝:呀!BB!你咬住咩呀!?
方力申:喵!(死老鼠!)
(隻貓一見到世芝就飛開閃左唔知去邊)
世芝:小虎呀,你餓唔餓呀?
(方力申用力咁點點頭)
世芝:呀!小虎?你識點頭嘅!?
(世芝個樣好出奇,咁又唔怪得佢咁樣嘅,一隻貓識點頭喎!)
方力申:喵!喵喵喵..喵!(當然!攞野比我食呀...快!)
(世芝攞左一塊方包諗住比方力申食,之後就去攞佢自己嘅午餐,但方力申望住D包包唔多肯食)
方力申:喵喵?喵喵喵喵!!(方包?點食得落呀!!)
(方力申望望世芝,佢見到牛扒呀!)
方力申:喵喵喵喵!!喵喵喵喵喵喵嗚!!!(有冇攪錯呀!!我食方包你就食牛扒!!!)
(方力申越睇越眼紅,跟住就走埋去世芝度,一跳就跳左上去餐台度)
方力申:喵喵喵!!喵喵喵喵??喵喵喵!(要我食方包!!你就食牛扒??好過份呀你!)
世芝:小虎?
方力申:喵喵喵!喵喵喵嗚!!喵..(太過份喇!我唔會放過你嫁!!牛扒..)
(方力申忍唔住喇,佢行前去,一啖就咬左落去)
世芝:小虎....你...食牛扒嫁??
(方力申都廢是理佢,直程扒係度咬)
世芝:小虎,你好怪呀...
(方力申繼續食...)
世芝:你食左我D野,咁我食公仔麵喇...
方力申:喵喵喵喵!!(咁就差唔多!!)
紫韻﹏ 30-7-2006 13:52
第三集
(就係咁,方力申食哂d牛扒,都有三大塊,雖方力申係一隻貓,但因為佢太肚餓喇)
方力申:喵..嗚..(好..飽..)
世芝:小虎,你好大食呀!
(世芝抱起方力申,比方力申扒係佢身度)
世芝:小虎你好蠢呀!(貓)食你食,做乜你食到咁污租嫁?
(方力申心諗:我蠹?我不知幾聰明呀,人肉餐巾!)
(方力申就咁係世芝件白色背心度抹嘴,抺到乾乾淨淨)
世芝:呀!小虎!
方力申:喵喵?(咩樹?)
世芝:你好曳呀!
方力申:喵喵?喵喵喵喵..(係咩?我呀媽都成日咁話我.)
(方力申扒係度都廢是再理佢)
世芝:小虎!!
(方力申合埋眼訓攪豬)
世芝:衰貓!
(方力申心諗:我不知幾好貓!)
世芝:唔好扮訓呀!
(方力申以經訓著左喇)
(世芝全神貫注咁望住方力申,黎隻貓有金黃色同褐色嘅虎文,所以世芝先會叫佢做小虎,而家小虎嘅眼神好似一個人,但佢都諗唔起黎個人係邊個)
世芝:小虎?
(冇耐,世芝都跟住佢訓攪豬,一人一貓就咁係個客廳度訓)
(方力申係夢中夢見神秘人)
神秘人:方力申
方力申:係你!見到你就好喇,我究竟要等到幾時呀?有冇攪錯呀?!
神秘人:好對唔住,我地仲有一個好難嘅難題,所以..麻煩你再等下...
方力申:等!?我等左好耐喇!如果唔係我叻仔,佢地以經迫左我食貓糧喇!
神力申:好對唔住,我地會加緊手嫁喇!
(就係黎個時候,一陣陣嘅叫聲嘈醒左方力申)
世芝:小虎,小虎,小虎呀!
(方力申訓到朦朦鬆鬆,一開眼就見到世芝)
世芝:小虎,起身喇!
(方力申呆左呆,之後就打左個大大嘅喊路)
世芝:小虎,我要煮飯喇
(唔經唔覺,佢地都訓左好耐下,而家都就黎七點鍾)
方力申:喵...(哦...)
(方力申跳左落地,參觀下黎間屋,世芝嘅企有兩房兩廳,佢呀哥間房就係一間典型男仔房,冇公仔冇鏡,一床一櫃)
方力申:喵喵喵...喵..(我間房靚好多...唉..)
(方力申再行去睇下世芝間房,一入到去,就聞到一陣陣清香,同世芝身上嘅香味係一樣,定神一望...好多佢嘅相,姐係佢本人自己,一張又一張嘅方力申大海報影入佢腦內)
方力申:喵喵??喵喵喵....(點解??佢唔通係我歌迷...)
世芝:小虎!食飯喇!小虎?
(因為唔見小虎行埋黎,所以世芝行去搵小虎,當世芝行入房嘅時候,佢見到小虎坐左係佢張床度望住d海報)
世芝:小虎?
(世芝見小虎唔應佢,所以一手抱起小虎坐係張床度)
(方力申回一回神,望住世芝,黎個時候嘅世芝好溫柔)
世芝:小虎,知唔知道我係好鍾意方力申?可惜,佢永遠都唔會知有我黎個人嘅存在...
(世芝眼中有淚,仲方力申個心一下子扯住扯住)
世芝:小虎,食飯喇,我知你唔肯食貓糧,所以,我煮左你飯喇
方力申:喵喵...(多謝你...)
(方力申好奇怪自己點解會為黎個白痴女仔心痛)
(世芝抱住方力申去飯台食飯)
方力申:喵喵喵!!(好香呀!!)
世芝:小虎呀,你太瘦喇,記住食多d呀
方力申:喵喵!!(係係!!)
(世芝分左一大碟飯比方力申,有咖哩雞,生菜,滾生魚,仲有一碗青紅蘿蔔豬骨湯)
方力申:喵喵喵!!(我唔客氣喇!!)
(一講完,方力申就狼吞虎嚥,而世芝就因為小虎肯食飯而笑得好開心)
(食左個幾鍾,方力申以經飽到唔識郁喇)
世芝:小虎呀!你又食到個嘴污租哂喇!
方力申:喵喵喵...(我唔係貓...)
世芝:小虎係笨貓!
方力申:喵喵...(我唔係...)
(世芝都冇佢符,唯有攞紙巾幫佢抺嘴)
世芝:小虎呀!唔好扒係台喇!
方力申:喵喵喵...喵喵喵喵...喵喵..(我終於明白...點解加菲貓會食飽唔郁...好舒服..)
世芝:小虎!
(方力申繼續唔理佢)
世芝:小虎你好曳呀!
方力申:喵!(多謝)
(世芝抱佢去梳化,跟住去洗碗)
(方力申心諗,黎個世界上都冇乜埋好似佢咁幸福)
紫韻﹏ 30-7-2006 13:52
第四集
(夜晚十點幾.....)
世芝:小虎呀,你兩日冇洗白白喇,洗白白好冇呀?
方力申:喵!(好!)
(佢都好耐冇洗白白喇,一陣貓味!)
(世芝抱左佢入浴室,入到去冇耐,因為世芝唔想整濕衫,所以除左d衫淨返d內衣)
方力申:喵嗚...(我暈喇...)
(世芝雖然睇落好瘦,但佢唔應該瘦嘅地方都好豐滿)
(方力申心諗,佢平時游水都睇得多三點色,但點解唯獨是佢會令自己個心卜卜跳?)
世芝:小虎,洗白白lu!
(世芝一手抱起方力申,貓頭伏向世芝個胸)
方力申:喵喵喵喵.....喵喵喵...嗚..(救命呀.....痴線嫁..)
(方力申全身都軟哂,得一度硬...)
世芝:小虎?你個樣咁怪嘅?係咪熱過頭呀?
方力申:喵....(救命....)
(突然方力申覺得有一陣血腥味)
世芝:呀!!!小虎!!!流血呀!!!你流血呀!!
方力申呆左一陣)
方力申:喵!?喵喵??(咩話!?流血??)
(方力申用隻貓手去卒卒個貓鼻,果然有血喎!)
世芝:小虎!?你唔好嚇我呀!
(世芝快速咁擦乾方力申個身,抱佢返上床,再著返件衫搵呀哥救貓命)
(而方力申就扒係床度郁都唔郁)
方力申:喵喵喵...(做乜鬼野...)
(方力申以經好耐冇試過因為咁而流鼻血)
世芝:呀哥,小虎佢點呀?
呀言:冇事呀,正常呀
世芝:佢流鼻血喎!
呀言:咁你之對佢做過咩事黎呀?
世芝:同佢洗白白囉!
(呀言望住方力申,心入面突然靈光一閃...諗到一個問題)
呀言:你同佢一齊沖呀?
世芝:係呀!
呀言:你唔係因為咁呀??(呀言望住方力申講)
方力申:喵喵....(係掛...)
世芝:因為咩呀?(世芝唔明佢呀哥講乜)
呀言:冇事嘅,放心喇
(呀言心諗係有事都係心理上有事姐)
方力申:喵喵喵!!喵喵...!(咪用埋d咁嘅眼神望我呀!!我知你諗咩嫁...!)
世芝:唔該哂你呀,呀哥
呀言:早d訓喇
世芝:嗯
方力申:黑痴!!!
世芝:呀!小虎你凍親呀?
方力申:喵喵喵!!!(你累我嫁!!!)
世芝:咁快d訓攪喇,我攪住你會暖d嫁
(於是世芝就攪住方力申訓,方力申聞到佢嘅香味....好香好香....又一股血腥味出黎...)
世芝:呀!小虎?!你又流血喇!!
方力申:喵嗚!!!!!!!!!(救命呀!!!!!!!!)
(方力申都估唔到自己會有咁嘅一日)
第二日
...........
世芝:小虎呀,我要返學喇,你要乖乖地呀
方力申:喵喵喵喵!!(得喇得喇!!)
世芝:拜拜喇
(關左門之後,方力申仲望坐度門,發覺自己好似有d唔捨得佢返學)
方力申:喵喵!!喵喵喵...喵喵嗚...(痴線!!我一定發緊神經...冇理由嫁....)
(方力申返入世芝間房,點知一行入去就見到龜大哥)
方力申:喵喵,喵喵喵!(快d返出去呀,咪得阻住我!)
(方力申一手推左龜哥哥去房)
方力申:喵喵....(衰龜....)
(之後方力申就周圍搵野睇,搵搵下搵到本日記,一打開就見自己個名)
方力申:喵喵喵.....喵喵!!(冇死喇.....嘿嘿!!)
(原來世芝唔係佢嘅歌迷,係六年前方力申曾經遇過世芝)
方力申:喵喵喵?喵喵喵...?(有D咁嘅事咩?我唔記得嘅...?)
(日記入面記住嘅野主要係記底值得記嘅野,例如第一次黎月經係幾時,點樣同方力申結下前緣)
................................
六年前...
方力申:呀忠!有冇泳鏡呀?我唔記得帶呀
呀忠:冇喎,而家先黎借!個個都要用喎!
方力申:頂!我O岩O岩先記得呀嗎!
呀忠:你問下D女仔囉
方力申:唔好喇,怕羞呀!
呀忠:唔係哇!
(於是,方力申迫於無奈去問女仔借)
方力申:唔該,我想借泳鏡呀,你有冇呀?
(個女仔話有,跟跟借左比佢,走之前,方力申還返比佢)
方力申:唔該哂你呀
女仔:唔洗(女仔面紅)
方力申:你好可愛呀,你叫咩名呀?
女仔:我....我叫世芝..
方力申:世芝...
女仔:嗯...
方力申:我會記住你(利用最型嘅笑容向世芝笑)
....................................
(就係咁,方力申坐左係度用佢嘅貓爪神功,一頁頁咁睇落去,睇左一大半之後,你發覺世芝嘅日記經常提起佢,亦都知道世芝一直鍾意嘅係佢自己)
方力申:喵喵喵...喵?(世芝鍾意...我?)
(平時都大把女仔鍾意嘅方力申,一向知道都冇乜野,就算開心都係開心自己受人歡迎同愛慕,但唔知點解...知道世芝鍾意自己有種好怪嘅感覺,好甜...心..跳得好快)
(方力申將本日記收埋係床下底,之後就呆坐左係度兩三個鍾頭)
(大約4點幾,世芝返左黎,入到房就見到小虎扒左係地下度,個貓野好開心咁)
世芝:小虎?你係咪笑緊呀?
(方力申淘醉到聽唔度有人同佢講緊野)
世芝:小虎做咩唔應人呀?唔好扒係地喇,好污租呀!
(世芝抱起方力申放佢係張床,之後就當住佢面換衫)
方力申:喵....(救命....)
(方力申轉身唔睇世芝,要做君子之餘佢唔想再流鼻血)
世芝:小虎呀,你餓唔餓呀?我買左車厘子呀
方力申:喵喵??喵喵!?(車厘子??係邊!?)
(方力申一支箭咁標左出去尋找車厘子)
方力申:喵喵喵喵喵喵(車厘子車厘子)
(終於比佢搵到喇!方力申用力一跳左上去台度,申個頭入去個膠袋度食車厘子)
世芝:小虎!!
(世芝都跟左出黎)
世芝: D車厘子未洗嫁!污租呀!
(世芝抱開方力申,拎左D車厘子出黎洗)
世芝:以後唔准呀!
方力申:喵喵喵!!喵喵喵!!喵喵..!(得未呀!!得未呀!!快D喇..!)
(洗完之後,世芝比左一碗仔方力申食,抱住佢睇雜誌)
世芝:小虎,我好唔開心呀,方力申佢撞左車,到而家都未醒呀...
(一聽到黎句野,令方力申停左口,望一望份雜誌,見到自己昏迷嘅大頭照,媽媽嘅喊樣,心頭一陣痛楚)
(突然有一滴水滴中佢嘅貓頭,方力申抬頭一睇,世芝喊緊....)
方力申:喵喵...(世芝...)
(世芝抱緊方力申)
世芝:小虎...嗚...
方力申:喵喵喵嗚....(唔好喊喇....)
世芝:嗚...我..嗚...可以做D咩?
方力申:喵喵...喵喵喵..(唔洗...你以經幫緊我喇..)
世芝:嗚......嗚...嗚...
方力申:喵喵...喵..(多謝你呀..世芝..)
(方力申知道世芝嘅一聲聲喊聲,全部都係為佢而喊)
世芝:小虎....
方力申:喵?(係?)
世芝:你個頭濕哂喇...
(世芝傻笑)
方力申:喵喵...喵喵喵!(係囉...咪再喊喇!)
世芝:我同你洗白白呀
方力申:喵!?喵喵喵喵!!(又黎!?唔洗喇!!)
(方力申令下個貓頭,想表示佢唔想流鼻血)
世芝:唔洗?唔得!你個樣好怪雞喇!
方力申:喵喵喵喵!!(我不知幾靚仔!!)
世芝:你個嘴染到紅哂喇!!
(方力申因為食車厘子食到個貓嘴紅哂)
方力申:喵?喵喵喵..(係咩?抺下佢咪得囉..)
(佢有條人肉餐巾,又洗乜驚個嘴污租呢?方力申用力一抺,個嘴乾淨哂!而世芝件衫又多左D顏色喇!)
世芝:呀!!小虎!?
方力申:喵喵!!(拜拜!!)
(方力申一跳就跳都鬼咁遠,廢是比佢鬧!)
世芝:小虎!!你咪以為我會原諒呀!!
方力申:喵喵喵!!嗚..(我好驚呀!!嘿嘿..)
(方力申好耐都冇試過咁樣嘹女仔嬲喇)
方力申:喵喵..(你真係好可愛..)
(黎句說話係由心裏講出黎,可能方力申都慢慢知道世芝嘅地位....)
(做左咁耐貓,方力申以經慢慢習慣利用黎副身體跳黎跳去,今日,佢決定返屋企探下屋企人)
(就係世芝出門冇幾耐,方力申走去唯一出口----->窗口)
方力申:喵喵喵?喵喵喵!(咁低咋?一定難唔到我!)
(方力申用力推開窗,鑽身出去,做出連環跳,咁就由三樓落左黎地下)
方力申:喵喵喵!!喵嗚..(目的到達!!滿分呀..)
(方力申露出好得戚嘅貓樣)
方力申:喵喵?喵喵喵!(點走呢?答巴士!)
(於是方力申左望望右望望咁過左條馬路,行到巴士站等巴士)
方力申:喵!喵喵喵喵...(係喎!我而家係隻貓黎喎...)
(方力申用佢有限嘅貓腦諗計仔,諗下點樣可以上到車)
方力申:喵喵!!(我諗到喇!!)
(車一到就會好多人落車,方力申就以佢嘅最快速度標上車,再跑上上層)
方力申:喵喵!(叻到爆!)
(方力申搵左個窗口位,一路睇一路搖下搖下條尾)
[[i] 本帖最後由 紫韻� 於 2006-7-30 13:54 編輯 [/i]]
紫韻﹏ 30-7-2006 13:53
第五集
(就係黎個時候,方力申發現有個細路見到自己,佢反射性咁伏底)
細路:媽咪媽咪!!
(個細路搖醒佢媽咪)
媽咪:嗯...咩事呀仔?
細路:有貓呀!有貓貓呀!!!
(個媽咪望向個仔指去嘅方向睇)
媽咪:冇呀..你係咪眼花呀?
(個細路再望清楚D又真係冇喎)
細路:點..點解嘅??明明有嫁.....
媽咪:衰仔!落車喇!
細路:哦....
(就係咁,方力申好好彩咁避過黎一劫)
方力申:喵喵...喵喵喵!!(好險...好彩佢唔信姐!!)
(方力落左車之後毫周圍搵路,又比人趕又差D比車撞,佢明白到,做一隻貓係嘅咁難)
方力申:喵喵喵喵喵!!喵喵喵!(好彩我平時係咁操姐!!如果唔係以經一早累死!
(以一隻貓黎講,一條街以經好遠,何況佢行左十幾條街!)
方力申:喵!喵喵喵!!(哇!搵到喇!!)
(行左咁耐,終於比佢搵到屋企喇,方力申行快兩步)
(方力申用盡所有方法上到自己屋企,發現度門冇關到,佢本來想入去,但佢而家係一隻貓,唯有申舍頭去偷睇下)
(點知,佢望到佢媽咪,方媽媽冇開到電視但又一直望住電視,黎個樣,令方力申一陣心痛)
方力申:喵...(呀媽...)
(突然聽到貓叫嘅方媽媽,望向門口,見到方力申,一向都鍾意小動物嘅方媽媽行埋去方力申度)
方媽媽:貓貓,過黎呀,唔洗驚嫁
方力申:喵...(媽...)
(方力申好聽話咁行埋去)
方媽媽:乖,乖!
(方媽媽抱起方力申)
方力申:喵喵...喵喵喵..(呀媽....你瘦左呀...)
方媽媽:乖乖...係咪肚餓呢?
方力申:喵,喵喵喵喵!(媽,係我呀!)
(方媽媽一直抱住方力申,個樣好呆滯)
(方媽媽放低左方力申之後,方力串就依依不捨咁走左,因為佢一定要走,如果唔係,世芝一定會喊)
方力申:喵喵..喵喵..(再見喇..呀媽..)
(方力申因為好累,所以用左三個幾鍾先返到屋企,方力申再由窗口入返屋企,一入到就聽到喊聲)
世芝:嗚...嗚....小虎.....
(方力申見到世芝又再為左自己喊)
方力申:喵...(世芝...)
(世芝一聽到小虎嘅叫聲就抬頭一望)
世芝:小...小虎!?
方力申:喵..(係到..)
世芝:小虎!!
(世芝攬起方力申,攬得好緊)
方力申:喵喵!!喵喵...喵..嗚..嗚.(細力D!!抖唔..到..氣..)
世芝:小虎...嗚...我以為..嗚..我以為你唔返黎喇!!嗚...
(世芝鬆手,舉起方力申兩對眼對望)
方力申:喵...喵喵喵喵...(世芝...你喊到好丑呀...)
世芝:小虎,你唔好離開我呀...
方力申:喵喵喵喵,喵喵!(點會走呢,人肉餐巾!)
世芝:小虎呀,你一定好肚餓嫁喇!我煮野比你食好冇呀?
(方力申伸埋條貓利出黎點頭)
世芝:小虎,你真係好似識聽我講野咁
方力申:喵喵喵!!(我要食野呀!!)
世芝:哈,傻嘅!點會呢?
(見世芝笑返,方力申都開心埋)
世芝:小虎,我地食米線囉!
方力申:喵喵喵喵喵!(你煮乜我都食!)
(食飽左之後,方力申照常訓係世芝大脾)
世芝:小虎好蠢呀!!污租貓!
(方力申一聽到黎句,即刻就用個貓頭係世芝件衫度鑽)
世芝:衰貓!
方力申:喵!(多謝!)
(日子一日一日咁過去,世芝係方力申心目中以經有一定嘅位置,方力申好想一直擁有世芝,一齊訓,一齊睇電視,仲有一齊洗白白...)
(可惜,黎D開心日子要變成過去了)
神秘人:方力申
方力申:係你?
神秘人:今晚,死神會黎搵你
方力申:死神?你唔係哇!?做錯野仲要我死!?
神秘人:唔係,我地以經解決左你嘅問題
方力申:姐係...我可以返去我自己嘅身體?
神秘人:冇錯,比左咁多麻煩你,真係好對唔住
方力申:算...算喇..如果冇黎埸錯誤,我都唔會遇到世芝....
神秘人:祝你好運...
s20020972 31-7-2006 17:47
好好睇呀~!!
你作得好得意呀!!
十卜!十卜!
紫韻﹏ 31-7-2006 18:12
[quote]原帖由 [i]s20020972[/i] 於 2006-7-31 17:47 發表
好好睇呀~!!
你作得好得意呀!!
十卜!十卜! [/quote]
唔係我作嫁~
死得la~
我唔記得左加轉帖....
T^T
josephinekuok 31-7-2006 22:06
個故仔好有創意WO~十卜`
vickyloveyes 2-8-2006 15:38
wa...好好睇...真係好有想像力...
﹏婷婷﹏ 14-8-2006 07:08
加油呀~十卜
my123mmm 16-3-2007 17:41
十卜!!!!!!!!!:D :D
【君君】 27-3-2007 21:44
好好睇牙..唔該po埋佢啦!!十卜你牙..我係君個家姐-欣..
頁:
[1]