０魚囝江０ 26-6-2006 23:13
終於告一段落了．．．
中４．．即係今年同上年．．係我一生中．．過得最開心既日子∼不過亦都令我知道咩叫做傷心同痛苦∼點解咁講．．因為我真真正正中意左一個女仔（一個改變左我一生既新同學）∼以前同親女仔拍拖都係佢地中意我先∼可能仲係唔知咩叫做愛∼所以好快好快就散左∼不過．．．．我暗戀．．唔係＝．＝可以話係單戀左佢．．一年啦．．雖然我同佢冇開始過∼但係佢令我知道左咩叫愛∼同埋自從佢既出現．．令到我成個人出現左好大既改變∼
記得第一次同佢表白．．係今年既２月份．．．一個深夜．．．我同班ｆｄ一齊∼佢地鼓勵我向佢表白．．不過我真係開唔到口．．
我：嘟．．．嘟．．．喂∼嘉儀丫．．．我諗我中意左你丫．．你可唔可以比個機會我∼
佢：嚇．．．我唔會拍拖住．．等我到想就會講你聽
我：哦∼∼∼
雖然不成功∼但起碼冇失敗．．．天真既我當然就等啦．．．．但係自從我向佢表白左之後∼
每次同佢傾計都會比ｆｄ話我地有野．．搞到我地好唔知點咁．．而我．．只有一臉無奈同不知所措∼鬼叫同佢係同學咩．．．冇計．．我只有默默咁等．．
復活節就到左．．我本身有個北京團可以去．．學校幫我比晒∼不過聽到佢去一山西團．．
二千幾蚊我都照去∼仲叫左個ｆｄ陪我添∼因為我唔想比個女仔知我係為左佢．．．
係山西果７日裡邊．．．雖然我冇同佢影個一張單人照∼但係我出世到依家都未有過咁開心∼
第一次拖佢手仔．．第一次同佢傾咁多計∼第一次同佢有互望既感覺∼第一次睇人覺覺豬會睇到識笑．．．．果種笑．．係笑到入心果隻．．．我覺得我同佢既距離越黎越近啦∼
返左ｈｋ．．我問佢記唔記得我等緊佢．．佢扮唔理我∼我問佢係咪中意左第二個∼佢話係掛．．當我聽到之後．．我冇灰心．．只係想知果個男仔到底係一個點樣既人∼一定好好架啦∼我唯有祝福佢地∼話自己唔會中意佢．．比自己好落台．．唉∼∼
當時我係好唔開心．．不過知道呢ｄ野係唔可以強求∼但係做人應該有始有終∼３月２７號係佢既生日．．我偷偷地比左１００蚊比佢ｄ ｇｄ ｆｄ買蛋糕幫佢搞生日∼佢應該唔知既∼仲幫佢搞到個氣氛前所未有既好．．全班都好妒忌咁．．我好希望佢開心．．當係我為佢做既最後一樣野．．．
之後我開始好少同佢講野．．．就係咁．．．直到５月１５號．．．我既生日．．．我班ｆｄ幫我搞緊生日既時候．．佢居然買左個蛋糕比我．．．我當時以為我發緊夢∼因為我唔敢相信自己隻眼丫．．講真∼果一日就算比我中六合彩都唔會比呢樣野開心．．．因為咁．．令我重拾追佢既信心．．．雖然佢令到我傷心左個幾月．．但係唔緊要．．因為我知我自己仲係好愛佢∼
我又開始同佢傾下計．．不過之前講過唔再中意佢．．ｓｏ都係唔敢太密∼不過我會好留意有關佢既野ｌｏ∼有時應承左話買野比佢食．．我就偷偷地塞盒金沙落佢書包∼大口仔佢話要３號同２７號．．．我即刻叫我樓下ｄ波ｆｄ幫我留．．．雖然我為佢做左好多好多∼同埋佢都係唔知既∼不過我覺得好值．．．即使得唔到回報∼我都覺得對得住自己∼同自己愛既人∼我唔會計較付出．．．
直到依家∼我都有好耐冇同佢講過一句野啦∼仲知佢拍緊拖添∼雖然我好唔開心∼不過係佢面前我仍然都係笑．．．．同埋只要佢開心．．我做咩都得．．
不過直到今日．．
佢： 喂...
我： 咩事？
佢： 你聽日洗唔洗返..??
我： 要．．．
佢： 咁係咪唔洗同你一齊考..
我： 係掛 我地去第二個班房ｌｏ
佢： 咁都好o的....
我： 做咩？
佢： 我點解咁講..??自己諗啦..
我： 做咩丫你？
佢： 自己諗啦..
我：．．．．好似有ｄ野喔 關我事架？
佢： 緊關架..唔只你一個tim..
我：哦咁我知了 ∼ 你講我考試係度玩？
佢： 知就好啦..
我： 你唔同佢地講 ∼我都唔想架啵 ∼ 佢地係咁聊我
佢： 有用咩..你知唔知我幾想拎野掉去你到到呀.. 仲好想爆粗呀..
我： 你掉你爆啦 ∼ 我唔會介意
佢： 我從來都冇試過有咁o既衝動去打人呀..
我： 聽日唔係一齊考 ∼ 你會好開心
佢： 一定會呀.....
我： 你開心得啦 ∼ 講埋比你知丫 ∼ 之後果幾日我地都係分開考架
佢： 咁得啦..
我： 應該唔會嘈到你既
佢： 希望呀...
我： 嗯
一齊到此為止．．．．．．我同佢亦都劃上左句號∼
不過∼
我希望佢明白．．我講笑既原因係知道佢中意果個人好識講笑∼
我玩∼係知道佢中意果個人唔會死讀書∼做乖仔∼
我打波∼都係知道佢中意果個人識打波∼
我擔心佢ｄ成績∼都係因為知道佢下年驚升唔到要轉校∼
我每次ｓｄ比佢既每一個信息∼都搵一個藉口比自己點解佢唔回∼
我每次同佢講既每一句說話∼諗左都超過５分鍾∼
我每次面對佢．．係幾咁痛苦∼但係我都係要笑．．．
雖然佢打既每一句都好似一把一把刀一樣插入我個心∼
不過我仍然冇嬲佢∼
因為我知道我仍然仲係好愛佢∼
也許∼快樂退出不是罪∼．．．．．．．
josephinekuok 27-6-2006 15:40
小說黎架???anyway 十卜~~
SKY-`Aquarius 27-6-2006 16:32
[quote]原帖由 [i]josephinekuok[/i] 於 2006-6-27 15:40 發表
小說黎架???anyway 十卜~~ [/quote]
我覺得係佢自己既經歷 ..