小魚兒 19-2-2006 13:06
三個好友不同既戀愛故事
[color=Blue]三個好友不同既戀愛故事
戀愛方程式
人物介紹
小海（海天使）：靚女，青春活潑可愛，但性格男仔頭，鍾意玩，大膽；
當遇到感情問題就好怕羞
藍藍：校花一名，為人老實，諗到咩就講咩，讀書第一，但膽小怕事。
係小海既好朋友。
丹子：靚女，唔識以為斯文，識左就河東獅吼，粗粗魯魯，但夠義氣，
有咩事都會好幫手，亦係小海既好朋友
阿森：型英帥靚正，非佢莫屬，但係冇女朋友，因為覺得女仔好煩，
但係為人口花花，冇禮貌，最鍾意同小海鬥，籃球高手
阿天：靚仔一名，鍾意整蠱人，鍾意追女仔，打籃球好叻
阿豪：型仔一名，但唔靚仔，有ｄ內向，都係鍾意打籃球
阿鋒：丹子暗戀既人，有ｄ自閉
阿傑：小海既頭號ｆａｎｓ，好鍾意小海
黑翼：小海暗戀既神秘人，其實係．．．
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
呢個故事係講三個女仔∼佢地大家同班ｇｅ∼
有好多人追∼但係佢地都唔鍾意∼
因為佢地各自追求唔同既戀愛方式∼
不過唔知佢地會唔會成功呢？
係咁多人追既時候，佢地三個遇上三個轉校生．．
從而發生搞笑，鬥氣，離奇既劇情變化．．．
佢地既戀情又會係點發展呢？
*******************************************[/color]
小魚兒 19-2-2006 13:07
小海：各位同學早晨呀！！
同學：早晨呀，小海！
小海：藍藍，丹子早晨呀！係度做緊咩呀？
藍藍：我地係度睇緊ｄ情信呀
小海：嘩！今日又有幾多封呀？
丹子：ｕｍ．．．不少於２０封丫，拿，呢ｄ你既
小海：我都有？唔係呀嘛？
藍藍：ｄ情信寫得好肉麻呀，我睇到都凍呀
丹子：我覺得ｄ男仔有ｄ白痴，咁多人寫比我地，又冇相，都唔知邊個打邊個，點覆佢地呢
小海：算啦，我地都唔會鍾意佢地既，我地要既係浪漫既邂逅，然後相戀
丹子：我先至唔係呀，我要既係英雄救美．．．
藍藍：唔好發夢喇，準備上堂啦
小海，丹子：好啦好啦
老師黎到既時候．．．．
老師：各位同學，今日我地班有三個插班生，希望大家好好同佢地相處，你地入黎啦
阿森：大家好，我叫周日森，大家可以叫我阿森或者森仔都得
阿天：你地好，我叫黃景天，大家可以叫我阿天或者係ｔｉｍ都得
阿豪：各位好，我叫馬建豪，大家可以叫我阿豪或者建豪
老師：好喇，你地去搵個位，然後坐低啦
上緊堂既時候．．．．
阿豪：你好，我叫阿豪呀，你呢？
丹子：你好，我叫丹子
阿豪：我今日ｏ岩ｏ岩黎呢間學校，有好多野都唔識，希望你多多指教
丹子：哦，好呀！（望過去阿鋒度，見到阿鋒望住）好喇，唔講喇，上堂啦
阿豪：你可唔可以借埋本書比我睇呀．．．我冇帶呀
阿天：哈囉，我叫ｔｉｍ，你呢
藍藍：．．．．．．
阿天：小姐，你叫咩名呀？
藍藍：．．．．．．
阿天：你．．唔係啞嫁可？
藍藍：請你安靜ｄ丫，宜家上緊堂ｇａ
阿天：對唔住．．．（望住藍藍本書）原來你叫藍芯，我可以叫你藍藍嘛？
藍藍：．．可以，但係你可唔可以唔好再講野呀，你影響到我上堂呀
阿天：對唔住，我唔再講野喇
阿森：喂，拎本書黎睇下啦
小海：乜你冇書咩？
阿森：如果唔係，點解要問你借姐
小海：你咁冇禮貌，都叫借呀？
阿森：咁你借唔借丫？
小海：唔借呀，咁冇禮貌！
阿森：你呢個咩女仔黎ｇａ，我假假地都係新同學丫，幫下同學都唔得？
小海：你都識講你係新黎ｇａ啦，你咁既態度，邊個理你呀
阿森咩都唔講，一手搶左小海本書，小海就同佢係咁爭本書
老師：你地係度做咩呀？！
小海：老師，佢搶我本書呀
阿森：老師，佢唔肯借比我睇呀，我又冇書ｗｏｒ
老師：小海，你唔似咁小氣ｗｏｒ，新同學冇書，借比佢睇都唔得？
小海：唔係呀，係佢冇禮貌之嘛
老師：你咩態度呀？！咁樣同老師講野？！同我抄手冊規則，聽日交，坐返低
阿森：仲借唔借比我呀？！下∼
小海：你要借丫嘛，借飽佢啦！（掉本書比佢）
阿森：喂，你有冇搞．．（見到小海想喊）對唔住囉
小海：哼！
****************************************************************
放學既時候．．．
小海：激死人喇．．激死人喇．．激死我喇！！！！！
藍藍：海，做咩咁嬲呀？
丹子：你咁都仲要問既，梗係頭先上堂既時候，比個新同學搶左本書，仲要比老師罰抄件事咩
小海：你唔好再大聲ｄ，話比全世界知丫，蠢！
丹子：對唔住囉，唔好咁嬲啦
藍藍：係囉！係囉！我地一齊去唱ｋ丫∼
丹子：好呀！好呀！
小海：你地去啦，我唔去喇
藍藍，丹子：．．．．．咁我地都唔去喇
小海：我走先喇．．
當小海轉身落樓梯既時候，咁ｏ岩有人上緊樓梯，佢地撞到正一正．．．
阿森：嘩！！想撞死人咩！
小海：好痛呀．．．乜係你呀？！
阿森：我仲以為邊個靚女撞埋黎添，原來係怪獸
小海：你講咩話？！
阿森：做咩呀？第一日見到我，一見鍾情，想投懷送抱呀？我唔受嫁喎
小海：你．．！你夠膽講多次丫拿！
阿森：咩呀？！我點會唔夠膽講呀？我驚你唔夠膽聽咋！怪獸！
阿傑：喂！新同學，你男仔黎ｇａ，有ｄ風度啦，話晒小海都係女仔丫，
你做咩咁話佢姐，而且係你自己撞去佢度咋喎
藍藍，丹子：係呀！係呀！
丹子：係你自己撞到佢先ｇａ！仲咁話人，你係咪男仔黎ｇａ？！
阿豪：係囉，阿森算啦，我地走啦，趕時間呀，你快ｄ道歉，就走喇
阿森：做咩呀你？你幫佢地講說話呀？
丹子（走去阿豪身邊拉住佢）：阿豪講得ｏ岩呀，你應該道歉呀！
阿森：阿豪，乜你同佢好熟嫁咩？！怪獸２號，你快ｄ放開阿豪呀！！
丹子：你話邊個怪獸呀！下！
藍藍：算啦．．算啦．．我地走啦
阿傑：夠喇！你地唔好再嘈啦，唔道歉就算啦，走吧啦！
小海（對阿森講）：見親你都冇好野嫁！正一瘟神！！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
(有10個人回覆,我先再post啦)
:victory:
[[i] 本帖最後由 小魚兒 於 2006-2-26 15:50 編輯 [/i]]
水仙鳥 25-2-2006 20:02
next???
natalief1231 4-3-2006 19:38
我好想睇牙...幾好睇喎
快d快d
kung仔 5-3-2006 13:06
等我幫你加啦:
小海屋企．．．．．
小海返到屋企，沖完涼，飯都唔食，就等佢鍾意既人上線，呢個人叫黑翼，
佢地為左比多ｄ幻想既空間，就冇問大家叫咩名，住邊，讀邊間學校．．．．佢黎喇．．
海天使：ｈｉ呀
黑翼：ｈｉ呀
海天使：做緊咩呀？
黑翼：冇呀，你呢？
海天使：我都冇呀，你食左飯未呀？
黑翼：食左喇，你呢？
海天使：食乜鬼丫，今日比人激親，食唔落呀！
黑翼：邊個咁衰，激親我既小公主呀？
海天使：我學校今日黎左個新同學，佢好乞人憎ｇａ！好眉好貌，
原來一ｄ禮貌都冇ｇａ！仲累到我比老師罰呀！
黑翼：咁慘呀？我今日同ｄ朋友一齊去做間學校做交換生，
間學校ｄ女仔好煩ｇａ！又粗魯喎，一ｄ都唔似女仔既！
海天使：你都好慘喎，唉．．慘啦！佢仲要坐我隔離呀，有排行運啦！
黑翼：唔好咁嬲啦，講ｄ開心ｄ ｇｅ野啦
海天使：好呀，有咩講呀？
黑翼：ｕｍ．．．我諗唔到呀
海天使：咁你又話講開心ｄ既野
黑翼：咁你嬲緊丫嘛
海天使：算啦，橫掂我都要抄書喇，聽日再傾丫
黑翼：咁好啦，抄完早ｄ休息喇
海天使：好呀，你都係呀！再見
Off左之後，小海又係度幻想緊黑翼究竟係咩樣，佢見到黑翼話佢係自己既公主時，
開心到暈呀，好彩黑翼見唔到自己既樣咋，如果唔係．．．
嘩．．．一定比黑翼知，自己鍾意佢啦，唔知黑翼會點諗呢．．．．
****************************************************************
第二日返到校學．．．．．．．．
小海：嘩．．好肚餓呀．．．．
藍藍：做咩呀你？尋日冇食飯呀？
小海：係呀．．．
丹子：嘩．．你減肥呀？
小海：梗係唔係啦．．．嬲到食唔落呀！
阿傑（行埋黎加把咀）：小海，做咩嬲到食唔落呀？
小海：鬼咩！返到屋企諗住抄罰抄，先至發現本手冊夾左係本書度，本書仲要借左比個死人頭！！
阿森（ｏ岩ｏ岩返到黎聽到）：你講邊個係死人頭呀？！怪獸！
小海：係呀！我係怪獸呀！我宜家話緊你係死人頭呀！三木杉！
阿森：你講咩呀！你個海怪丫！
小海：你？！你好野！！
阿天：藍藍，早晨呀
藍藍：早．．早．．早晨，食．．左早餐未呀？
阿天：未呀，好鬼死肚餓呀．．．小食亭又未開喎
藍藍：ｅｒ．．我．．呢度有早餐呀．．你食唔食呀？
阿天：真係ｇａ！多謝你呀！但係你呢？
藍藍：我食左喇．．
阿天：咁多謝晒你呀！
藍藍：唔使咁客氣．．．．
阿豪：丹子．．．早晨
丹子（望住阿豪方向）：早晨呀！．．．阿鋒
阿豪另轉面一望．．．阿鋒係佢後面入緊課室．．．
阿鋒：丹子早晨呀
丹子即刻走去阿鋒度同佢傾計，笑得好開心．．．．
阿豪：唉．．．原來佢已經心有所屬．．
小海：藍藍．．．我份早餐呢．．．？
藍藍：啞．．．（死喇．．比左阿天食添）
小海：係邊呀？．．我餓死喇．．．
阿天：靚女，未食野呀？我呢度有喎，要唔要ｄ呀？
小海：咦．．呢ｄ咪係．．．（望住藍藍）
藍藍：對唔住呀．．．（細細聲講）
小海：唉．．個個都有異性冇人性喇．．．有仔得啦．．．餓死我把啦．．．
阿傑：喂喂喂．．你點會咁易死呢．．你仲有我．．．份早餐嘛
小海：嘩！阿傑．．．都係你最好呀．．．多謝晒你呀．．恩公．．．
阿傑：小心ｄ食啦．．因住咽親呀∼我去搵老師先∼
小海：我會ｇａ喇∼你去啦
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊待續．．．
kung仔 5-3-2006 13:11
阿傑走左出課室，乞人憎既阿森又黎喇．．．．
阿森：咦ｅ∼有早餐食∼∼（拎左小海一件３文治）
小海：喂！比返我呀！
阿森：喂，你唔係咁孤寒呀，食你一件咋ｗｏｒ（食晒件３文治喇）
小海：仲好講，最衰都係你呀，如果唔係你，我就唔使餓親啦
阿森：做咩呀？你掛住我得滯，食唔落呀？
小海：乜你份人咁唔要面既？！
阿森：咩唔要面呀？！係你自己話因為我，你先餓親咋ｗｏｒ
小海：係因為你呀！因為你激到我食唔落呀！
阿森：最多今日ｌｕｎｃｈ請你食飯喇
小海：喂，聽講我同你唔係好熟咋ｗｏｒ
阿森：係唔熟呀，但係見你尋日咁∼好∼心∼借∼本∼書比我，先勉強陪你食飯咋
小海：你發夢啦！！見到你冇話食丫∼胃都反埋呀！
阿森：喂！你知唔知有幾多女仔想我同佢地食飯ｇａ！咁不識抬舉既你！
小海：咁你又知唔知好多男仔想請我食飯，我都唔肯呀！你簡直妙想天開啦！！
阿森：係咪咁多男仔追你呀？！你咁既海怪樣∼
小海：咁又係咪咁多女仔搶你呀？你咁既三木杉！！
丹子：小海！！
小海：咩事呀？
丹子：你ｄ奪命追魂信呀！
阿森：．．．咩話？呢ｄ情信係比佢既？（呆左）睇死都係自己寫比自己嫁啦∼（笑笑口講）
小海：你講咩話？！我使唔使咁呀？！？！？！（嬲到爆炸）
阿傑：做咩事呀？！（返左黎喇）
藍藍：傑．．．周日森話寫比海既情信，都係海自己寫比自己係度扮野呀．．．
阿傑：喂，周日森！你唔好咁過份ｗｏｒ，聽講你都係黎左呢間學校兩日咋ｗｏｒ，唔好係度惹事呀
阿森：做咩事呀你？！宜家我講緊你咩？！
阿傑：你屈小海就唔得！！
阿森：你係佢邊個呀？！關你咩事呀？！你鍾意佢呀？
阿傑：你痴線ｇａ！你講咩呀？咩鍾意唔鍾意呀！都唔知你講咩（行開左）
阿森：做咩呀？！心虛走左去呀？！
小海：喂！你唔好咁過份呀下！我唔准你咁話我朋友呀！
藍藍：咪係囉．．海，返埋位喇（藍拉住海走左）
阿森：做咩姐．．．我都係講下笑之嘛．．．（望住兩個老友）
阿天：森，你又係既，做咩無啦啦得罪人地姐
阿豪：咪係囉，返左兩日學咋．．．唉．．．
阿森：喂．．．你地做咩姐．．．我玩下之嘛
阿天，阿豪：玩？！好過火ｗｏｒ∼
kung仔 5-3-2006 13:12
阿森返到屋企，沖完涼，食完飯就開著左部電腦喇．．．
黑翼：ｈｉ呀
海天使：咦∼你第一次主動ｈｉ我喎．．．
黑翼：下．．係咩？
海天使：係呀．．．轉死性呀？
黑翼：哈哈∼係掛∼∼係呢∼今日你個新同學點呀？
海天使：嘩！講起佢真係火爆呀！佢講ｄ野好過份ｇａ！
黑翼：哈∼佢又激嬲你呀？個新同學咁衰ｇｅ？
海天使：係囉！我都未見過ｄ人咁衰ｇａ！！
黑翼：算啦∼唔好講佢喇．．．仲有咩事想講呀？
海天使：冇喇．．．你做咩呀？今日咁唔同既？
黑翼：下．．冇呀．．想問你ｄ野呀．．
海天使：．．．．你問丫．．．．
黑翼：你唔好笑我ｗｏｒ．．．
海天使：我一定唔會笑你．．．．
黑翼：ｕｍ．．我果班有個女仔，唔知點解，我次次見到佢都想激嬲佢嫁，
但係我今日又好似做得好過份喎．．．
海天使：有幾過份呀？
黑翼：總之好過份啦．．．你係女仔．．．你可唔可以教我哄返佢呀？
海天使：．．．做咩咁緊張佢ｇｅ？你．．女朋友呀？
黑翼：梗係唔係啦！佢點會係我女朋友呀？！只不過係．．．
海天使：係咩呀？
黑翼：咁激嬲左人．．．點都要哄返佢ｇａ嘛．．．唔係咩？
海天使：係．．．但係你好似好緊張咁既？
黑翼：唔知呀．．我一直都冇拍拖．．亦冇試過鍾意人．．因為覺得ｄ女仔好煩．．
好討厭．．但係唔知點解．．就係好想同佢玩．．想佢注意我．．．．
總之覺得同佢玩既感覺好奇怪啦．．
海天使：哦．．．可能你鍾意左佢呢．．
黑翼：下．．唔係掛．．．邊有可能呢．．可能佢似男仔頭．．我當佢係兄弟姐．．應該
海天使：哈哈．．我唔知喇．．我有事做．．再見
阿森心諗：點解今日佢咁既．．都未傾完就趕住ｏｆｆ喇∼平時都唔係ｇａ．．
做咩事呢？連再見都唔等我講埋既．．佢今日返學唔開心呀？丫！
一定係我掛住講自己，冇理到佢啦．．聽日都要同佢道歉喇
第二日返學既時候．．．．
阿森：唔該我要兩份芝腿治（芝士火腿三文治）丫
老闆：好呀，買唔買野飲呀，靚仔
阿森：都好喎，比多兩盒朱奶（朱古力奶）我丫
老闆：好呀，二十二蚊丫
阿森：拿
老闆：多謝晒
阿森（想走，但又返轉頭）：呀．．老闆．．
老闆：做咩呀？仲想要咩呀？
阿森：我想請教你一ｄ野呀
老闆：問丫，歡迎呀
阿森：咁呢．．如果激嬲左個女仔．．但係又唔係好熟．．．
但又好似好熟咁．．呀．．總之就係激嬲左人啦，咁應該點做呀？
老闆：哦．．．激親女朋友呀，易啦
阿森：即係點呀？
老闆：想當年我追我老婆果陣，都成日激嬲佢ｇａ，但係我就冇哄返佢，
冇左佢仲有大把女追喎，你都知嫁啦，我咁靚仔，係咪先？哈哈，
梗多女人搶啦．．．果陣威風喇．．．．．
阿森：哈哈．．．老闆我都係走喇．．我趕住返課室呀．．．（早走早著）
老闆：我都未講到戲玉．．．
阿森：下次啦．．．下次啦．．．（跑住返上去）好彩走得快．．．
kung仔 5-3-2006 13:14
係樓梯口．．．．
阿天：喂！阿森．．趕住去邊呀？
阿森：下．．冇呀．．
阿豪：今日咁早既，仲早過我地兩個喎
阿森：哦∼冇呀．．咁唔想遲到丫嘛，靚仔應該準時先好嫁嘛
阿豪：係咪呀？人地話好男不與女鬥，你又成日走去撩人地小海鬧交
阿天：咪係囉，對人有意思呀？
阿森：喂喂，你兩個夾攻我咁話喇喎
阿豪：邊有呢，我地關心你之嘛
阿森：阿豪，你以前好少野講，好內向嫁，做咩宜家好似開水喉咁既？
阿天：哈哈，你唔知咩，佢同果個咩咩丹坐埋一齊之後，唔使兩日就變到咁喇
阿森：哦∼∼唔怪得你一直幫住人地啦∼原來鍾意左人地∼
阿豪：咩姐！邊有呀．．唔好亂講啦∼咁黎做交換生，都應該主動ｄ，唔係點交報告姐
阿森：得嫁喇，我地明嫁喇，阿天可？
阿天：哈哈，兄弟丫嘛，心照心照．．．
阿豪：咩．．咩．．咩姐．．．喂！阿森，點解你有兩份早餐既？
阿天：一定係買比我嫁喇，估唔到你咁好，知我一定未食早餐喇，多謝晒
阿森：邊個話比你嫁，比小．．．自己食ｇａ！
阿豪：比邊個呀？小咩呀？？
阿森：邊有姐，我自己食之嘛．．
阿天：唉．．心淡喇．．仲話兄弟喎．．．
阿豪：係囉，有早餐食都唔預我地．．．
阿天：你兩個返左三日學，就追到女仔．．我呢．．唉．．
阿森：你有呀．．．呢~~
返到課室．．．．
藍藍：天，早晨呀．．．你唔介意我咁叫你嫁可．．？
阿天：早晨呀∼∼唔介意，你鍾意就得喇（招牌笑容）
藍藍：ｕｍ．．你今日未食早餐ｇａ可？
阿天：未呀．．．
藍藍：唔．．．．請你食早餐丫．．．
阿天：嘩！你真係又靚，又細心，又溫柔呀，如果識得你耐ｄ，真係會鍾意你呀！（一路食一路講）
藍藍：下．．．係咩．．．我去一去廁所先．．．（面紅晒）
藍藍好快咁行出課室．．唔係行係跑．．唔係唔係．．．係衝出去
小海：藍藍，早．．．
藍藍一枝箭標左出去喇．．．．
小海：丹子呀．．
丹子：咩呀？
小海：你見唔見到呀？
丹子：咩呀？
小海：藍藍第一次跑得咁快咋．．
丹子：咩呀？
小海：佢發生咩事呀？
丹子：好型仔呀．．．．
小海：你講咩呀？！
丹子：好型呀．．．
小海：喂！丹子，你做咩事呀？喂！丹子！（望住丹子望緊果度）
丹子：下！咩．．咩呀！早晨呀∼海
小海：哦．．原來係咁．．．
丹子：咩呀？
小海：原來你鍾意黃一鋒．．．∼
丹子：咩呀，邊有姐．．．
小海：做咩鍾意佢既？
丹子：我都話冇ｌｏｒ
小海：佢成日都唔出聲，自閉咁款嫁喎，你頂唔頂到呀？
丹子：佢唔係自閉呀！只係唔鍾意同人講野之嘛
小海：拿拿拿∼∼你仲話唔係鍾意人？！
丹子：我都話冇ｌｏｒ，咦！費事彩你呀！（好快走開）
藍藍（回來了）：喂！丹子！你去邊呀？！小海，丹子做咩呀？
小海：我問你地兩個做咩就真呀！
藍藍：下．．又關我事呀？
小海：你講，你頭先做咩面紅紅咁呀？！
藍藍：真係好紅呀？！
小海：係呀！！
藍藍：死喇！死喇！！唔知阿天見唔見到呢，比佢知我鍾．．（即刻望住小海）
小海：哦∼鬼拍後尾枕，原來你鍾意左新同學二號！
藍藍：噓！！！！唔好咁大聲啦．．．
小海：咩姐，同佢講囉
藍藍：唔得ｇａ．．．識左人地幾日之嘛．．嚇親人嫁
小海：你都識講呀，識人幾日之嘛，就鍾意人啦！
藍藍：咁．．．咁我點知點解姐．．鍾意就鍾意嫁啦．．．（低頭，越講越細聲．．）
小海：你兩個就好啦．．．可以日日見住自己鍾意既人．．．
藍藍，丹子：小海！你有鍾意既人呀？！（丹子防不勝防返左黎．．）
小海：噓！！！！細聲ｄ啦∼（望下周圍有冇人望住）
丹子：邊個黎ｇａ？！
小海：唉．．．一匹布咁長．．．
另一邊．．．．．
阿森：喂，你地估下果三隻怪獸講緊咩丫拿．．
阿豪：喂，你好喇喎，仲叫人地做怪獸，你唔好惹事喇，想被校長趕我地走咩
阿天：咪係囉．係喎，你地頭先話我都有，有邊個呀？
阿森：你咁都仲唔明呀？
阿天：咩姐？
阿豪：仲愧你溝女無數，咁都唔知．．唉．．可悲．．．
阿天：點解今日你地講既野咁玄既．．．即係邊個姐？
阿森：頭先邊個請你食早餐呀？
阿天：姚藍囉．．．．．下！佢鍾意我！？
阿森，阿豪：噓！！！！
阿天：唔怪之得，佢對我咁好啦．．我真係好有魅力呀下．．哈哈．．
阿森：咁你對人有冇意思呀？
阿天：傻啦．．．我唔會鍾意佢嫁．．．
阿豪：下？！點解呀？！人地心地咁好又靚又．．．
阿天：夠喇！唔好再講喇，總之我唔會接受佢嫁喇！（行開）
阿森：做咩事呢佢？
阿豪：我諗．．．唔會係因為果件事掛．．．
阿森：你話果件事呀？！
加到禁多先
natalief1231 6-3-2006 21:33
小海：小藍藍，多謝你呀！
藍藍：點解呀？
小海：多謝你幫我買早餐囉
藍藍：下，冇呀，我今朝都冇幫你買
丹子：係囉，佢淨係買比阿∼天∼嫁咋，哈哈
藍藍：喂呀！唔好笑我啦．．．（望向阿天）
小海：喂，咁邊個放係我台面嫁份早餐？
藍藍：會唔會係阿傑呀？
丹子：係ｌｏｒ，係ｌｏｒ∼問下佢囉
小海：阿傑∼（高呼他的名字）
阿傑：做咩呀？（行左過黎）
丹子：你今朝幫阿海買早餐呀？
阿傑：下？冇呀，做咩呀？
藍藍：你唔使扮喇．．．．
阿傑：我真係冇喎．．．我一直都搵緊銀包．．．
小海：下，你唔見左銀包呀？
阿傑：係呀．．丫！我醒起留左係邊喇！音樂室呀！我去拎返先．．．
小海：哦．．．．．
藍藍：咁邊個買早餐比你呀？
小海：你問我，我點知姐？
丹子：咪係囉，佢知就唔使問你啦，咁蠢既．．愧你考第一．．．
藍藍：咩喎．．．．丫∼會唔會係你ｄ追求者呀？
丹子：嘩！有可能．．．
小海：咁．．你地覺得會唔會有落藥丫拿．．．
藍藍：唔會掛．．．
丹子：你都未暈．．．點會有呢．．
（鈴．．．．．．．鈴．．．．．．．鈴．．．．班主任時間）
老師：各位同學早晨
同學：老師早晨
老師：好喇，今日係班主任時間，大家都返左一個星期學，有咩意見想表達呀？
小海即刻舉手！
老師：大家同學請靜少少，聽下藍冰海同學既意見下，你有咩想講呀？
小海：老師，我想調位呀！
老師：點解呢？ｏ岩ｏ岩先開學咋喎，做咩又想調位呀？
小海：老師，我地一開學自己調既，宜家應該抽籤調位，等我地有機會同平時唔識既人坐埋一齊嘛
老師：都未嘗唔係一個好提議，有冇同學反對呀？
同學：幾好呀，就咁做啦
老師：咁好啦，下晝上我堂既時候，我會同你地調位嫁喇，好好珍惜同你隔離宜家相處既時間喇，再見
同學：老師再見．．．
阿森：乜你好唔想同我坐咩
小海：我係超級唔想同你坐呀！！！
阿森：我咁靚仔，我同你坐，你執到啦！
小海：鬼得閒望你個衰樣呀！
阿森：你頭先食左我個早餐，唔係原諒左我喇咩？
小海：咩話？！個早餐你買ｇａ？！
阿森：係呀，做咩呀？驚我落毒呀？！
小海：唔怪之得咁難食啦．．．我都驚有毒呀！
阿森：喂，你講野咁難聽既！
小海：唔知邊個講野難聽先呢？！
阿森：（忍左啖氣）對唔住，係我唔ｏ岩
小海：（目瞪口呆）你．．你講咩話？！
阿森：對唔住，係我唔ｏ岩，我地言和啦好嘛？！
小海：既然你都講左對唔住喇．．我冇理由咁小氣既．．
阿森：（伸左隻手出黎）握手言和丫
小海：好！（大家握左手）
阿森：不過．．我地要分開喇．．我好唔捨得你呀．．
小海：喂喂．．聽講我同你唔係咁熟咋喎，你唔好講ｄ令人誤會既野呀
阿森：你唔係原諒我喇咩？！
小海：係丫，但冇話同你熟喎
阿森：講下笑姐，我驚係你唔捨得我咋！
小海：請你節省少少丫．．．
阿森：喂，（突然正經）唔好咁啦，（認真）我叫周日森，多多指教
小海：（呆左陣）我．．我叫藍冰海，多多指教
阿森：人如其名，冷冷冰冰．．（見到小海既表情）係好好人至ｏ岩．．．
丹子果邊就．．．．．．
阿豪：仲以為會同你有好多時間傾下添．．．
丹子：傾咩呀？
阿豪：下．．冇呀．．
丹子：哦．．係咩．．（對眼已經係阿鋒身上對焦緊）
阿豪：（見到晒）你．．鍾意黃一鋒呀？
丹子：下？！唔係呀．．．你唔好亂講
阿豪：你對眼．．．已經出賣左你．．．
丹子：你．．．唔好同人講呀．．．
阿豪：你叫到．．我一定唔會同人講
丹子：多謝你！好啦，趁仲有時間，我唔上堂，同你傾計丫
阿豪：唔好喇，你上堂啦，調位之嘛．．又唔係分班
丹子：．．咁又係．．．
阿豪：（心諗）算啦，佢鍾意既都唔係我，死心啦，人地有鍾意既人ｇａ喇．．．唉．．
而藍藍呢．．．．．．．
藍藍：ｕｍ．．．你做咩一直唔講野既？
阿天：我．．想問你一樣野．．．
藍藍：即管問丫．．．
阿天：你係咪鍾意我呀？
藍藍：（面紅如蕃茄）下．．你做咩突然咁問既．．．仲咁直接添．．．
阿天：你死心啦，我絕對唔會鍾意你嫁．．．你唔ｏ岩我．．
藍藍：係．．．我係鍾意你．．但係你唔使咁絕情拒絕我呀？
阿天：你一開始唔係好唔鍾意我ｇａ咩？
藍藍：因為．．我驚男仔嘛．．．
阿天：連男仔都驚，未行埋黎，你都閃喇，咁你點鍾意我呀？！我唔係好仔黎嫁
藍藍：點會姐，我雖然識你唔耐，但係我覺得你係好人喎
阿天：你都識得講啦，你識我幾多日呀？頂多都係三日咋
藍藍：但係．．．
阿天：但咩係呀？！你咁靚，唔愁冇人追丫，你做咩要對我發姣姐？！
藍藍：你．．．好過份呀！（眼紅紅）
（鈴．．．．．．鈴．．．．．．鈴．．．）
女廁入面．．．．．．
藍藍：嗚．．．．．嗚．．．．．．．
小海：藍藍邊個蝦你呀？！講比我知啦！咩事呀？
藍藍：我．．我．．失戀喇．．．
丹子：阿天．．．佢拒絕你呀？
藍藍：係呀．．佢仲話．．．仲話．．我唔ｏ岩佢呀．．．
小海：佢．．佢．．其實佢唔要你，係佢既損失姐．．放棄佢啦．．．
丹子：係囉，你對佢都唔認識，淨係識左幾日，趁感情未深放棄啦．．．
藍藍：嗚．．．嗚．．．我第一次．．第一次對一個男仔動心．．第一次咁快鍾意一個人．．我．．嗚．．
小海：唔好喊啦．．．．．
丹子：你仲有我地丫嘛．．．係咪？
藍藍：丹子．．．小海．．（攬住佢地）
丹子：我地放學去唱ｋ發洩丫．．好冇？
藍藍：嗯！！（抹乾眼淚）
小海：咁至係＋嘛，上堂喇
natalief1231 6-3-2006 21:33
老師：好喇，宜家每個同學出黎抽一張紙，跟no.坐啦，順住學號出黎抽啦
同學ａ：嘩！我坐呢度呀！正
同學ｂ：希望我同周日森坐啦．．．
同學ｃ：我想同黃景天坐呀．．．
同學ｄ：同建豪坐仲好呀．．．
同學：咦∼∼∼
老師：好喇∼快ｄ調喇∼仲要上堂嫁
（五分鐘後．．．）
小海：唉．．．．唔調仲好．．．調左黎死角位．．冇人理添．．
阿森：唔怕啦，有我嘛，嘻嘻．．
小海：唉！！又對住你．．．
阿森：咁咪証明我地有緣囉∼好事黎嫁∼
小海：緣你個頭呀！你就圓！
阿森：喂，好好相處啦好嘛？
小海：係你要撩我同你嘈之嘛！
阿森：我唔想一開學就同同學鬧不和呀，做個朋友丫
小海：咪住先．．你有咩企圖呀？
阿森：喂！我真心想同你做朋友嫁！
小海：你做咩突然變到咁斯文呀？
阿森：咁我覺得黎呢度係讀書嫁嘛，讀書要有好既學習環境，如果仲好似之前咁，唔使讀喇
小海：真係既？
阿森：係呀
小海：好啦．．．朋友
阿森：咁咪幾好∼∼仲以為你唔識笑添
小海：如果唔係你，我都唔會黑口黑面啦！
阿森：嘩！原本我係咁重要嫁！
小海：噓．．．老師望住喇．．．
阿豪見到既．．．．．
丹子：估唔到我會抽到同你坐喎
阿鋒：．．．．．．
丹子：阿豪，你坐我後面，我地都可以傾計呀
阿豪：係囉，我地又坐得咁近喇
丹子：哈哈，真係有．．（見到阿鋒冇表情）上堂喇
阿豪：嗯，小息先傾丫
大家靜左陣之後．．．．
丹子：黃一鋒，你住邊嫁？
阿鋒：新界
丹子：新界邊呀？
阿鋒：屯門
丹子：屯門邊呀？
阿鋒：．．．．．．．（咩都冇講望住丹子）
丹子：對唔住呀．．我唔問喇．．．
又靜左一陣．．．．．．．．．．．．．．．．．．
丹子：上次既事，我都冇好好咁多謝你添
阿鋒：．．．．．．．．．．
丹子：不如我請你食飯丫
阿鋒：唔使
丹子：你想要咩呀？送比你丫
阿鋒：唔使
丹子：我第一次見你講咁多野咋
阿鋒：老師望住
丹子：對唔住呀．．．
阿豪一直聽住丹子同阿鋒傾計，真係好想走，第一次鍾意人，就係三角關係．．唉．．可憐．．
阿天佢呢．．．．．．．
藍藍坐係前面左角位，而阿天就坐係後面右角位．．．．．
藍藍：（心諗）唉．．分到咁遠．．即係連個天都叫我放棄啦．．唉．．．初戀．．咁快完？！
阿天：（心諗）姚藍對唔住呀．．我宜家冇辦法接受你，雖然我對你幾有好感．．但係．．．
二人同時好不自覺咁望住大家既方向．．．．．係眼神重疊果陣．．．．
藍藍：（心諗）佢望住我呀？一定係喇，佢對我應該都有ｄ意思嫁，一定係喇，佢今朝都話．．．
佢識我耐ｄ都會鍾意我嘛．．．佢驚辜負我先咁拒絕我姐．．一定係咁！
阿天：（心諗）佢．．佢頭先喊．．佢隻眼好紅．．．對唔住呀．．．
放學既時候．．．．
小海：喂，去唱ｋ喇
藍藍：去邊唱呀？
丹子：去leway定himbox呀？
藍藍：海∼∼你決定丫∼
小海：我？！冇所謂嫁喎∼
丹子：係囉∼藍藍你決定啦∼
藍藍：ｕｍ．．．咁去leway啦∼
小海：藍藍呀．．．
藍藍：做咩事呀？
小海：你．．冇野丫嘛．．笑得咁開心既
藍藍：我冇事呀，開心咪笑囉
丹子：下？你．．失戀．．喎．．．
藍藍：唔失戀ｌｕ∼∼
小海：佢接受你呀？
藍藍：唔係呀∼
丹子：咁即係點呀？！
藍藍：冇咩點呀，重新黎過
小海：藍藍，你識得咁快振作就好喇∼
藍藍：邊個話我放棄嫁，我要重新追佢呀！
丹子：弊喇．．弊喇．．．小海，佢．．撞邪呀．．．
藍藍：喂，唔好講喇，又話去唱ｋ，去唔去ｇａ？
小海：去∼∼點都去∼哈哈
藍藍：咁行啦！！（講完就行喇）
丹子：小海，你認為冇問題咩？
小海：冇，佢鍾意就得啦，朋友係用黎做咩ｇａ？
丹子：支持．．．我明喇！（笑）
小海：嗯！行啦∼
小海屋企．．．．．．．．．．．．．．．．．．．
黑翼：對唔住呀．．．．
海天使：做咩同我道歉呀？
黑翼：尋日淨係掛住講我既野，都冇理你
海天使：唔係呀，係我唔得閒之嘛，我都冇嬲
黑翼：真係？
海天使：係呀，原來呢．．．個新同學都唔係好衰姐
黑翼：點解咁講既？
海天使：因為佢今日竟然好聲好氣咁同我講野呀！
黑翼：哈哈，男仔應該有風度既∼
海天使：都唔知佢係咪有咩企圖既
黑翼：唔會呀嘛．．．就算有，都係打你主意姐
海天使：嘩！你唔好亂講呀！冇可能
黑翼：哈哈，唔使咁大反應．．．
海天使：咁你呢？你個女同學點呀？
黑翼：冇野ｌｕ∼道左歉∼佢唔嬲ｌｕ∼
海天使：咁咪好囉∼
黑翼：嗯
海天使：其實呢．．．
黑翼：咩呀？
海天使：我想知多ｄ關於你既野呀
黑翼：其實我都想知你ｄ嫁，同你係網上面傾左咁耐，真係好想知你係點
海天使：其實你係咩人黎ｇａ？
黑翼：我呀∼我係混血兒∼日本同香港
海天使：嘩！你就好啦．．我都想呀∼
黑翼：唔知點解好多人都好想嫁∼
海天使：咁你屋企係邊ｇａ？
黑翼：我屋企係日本呀∼
海天使：咁點解你又識中文既？
黑翼：我有讀書嫁嘛∼老師教囉∼而且我媽媽係香港人，都會教我
海天使：哦，原來係咁．．．．
黑翼：我要訓喇．．．今日好累呀．．．
海天使：嗯∼你早ｄ訓啦，我都要訓喇．．８８
黑翼：８８
小海：原來．．佢係日本人黎既．．即係話．．我同佢係冇可能嫁啦．．．．但係我真係好想見一見佢呀．．唔知
佢係咩樣呢．．．都係唔見好．．我．．死心吧啦．．．唔得！佢媽媽都可以同佢爸爸一齊啦，有咩係唔可能嫁！
我要同佢講，我鍾意佢．．．！
阿森屋企．．．．．．．．．．．．．．
阿天：喂！你用完電腦未呀？
阿森：得喇得喇∼等多陣啦∼
黑翼：我要訓喇．．．今日好累呀．．．
海天使：嗯∼你早ｄ訓啦，我都要訓喇．．８８
黑翼：８８
阿森：得喇！你用啦
阿天：咦∼你女朋友呀？
阿森：唔係呀．．．係就話比你聽啦
阿天：係咪呀？
阿森：呃你做咩姐？
阿天：喂，佢靚唔靚女嫁？
阿森：我都唔知呀，我都未見過佢，又唔知佢幾多歲
阿天：咩話？！你同人講左好耐計喇喎？
阿豪：講緊咩呀？（沖完涼出黎）
阿天：阿森，原來鍾意左個不明物體呀
阿森：喂∼∼
阿天：對唔住，係識左個不明來歷既女仔
阿豪：原來你係為左佢，先至過黎香港做交換生呀？
阿森：都話唔係ｌｏｒ，只係聽我媽媽講，香港好靚，所以我見有機會先過黎咋
阿天：係咪呀？！
阿森：唔信就算
阿天：喂！阿豪，部電腦我用先嫁
阿豪：用下姐，咪咁孤寒啦．．．
阿天：唔得呀，比返我呀．．．．
阿森：懶得理你地呀，我去沖涼先．．．你地慢慢爭啦下
natalief1231 6-3-2006 21:33
學校禮堂．．．．．．．．．
校長：各位老師，各位同學早晨，好高興呢，今日能夠係度同大家見面，咁今年我地學校邀請左唔同國家既人呢，黎我地學校做交換生，分別係唔同既班別，可能呢佢地既年齡比大家大少少，但都唔好介意下，佢地黎左一個星期喇，相信大家同新黎既同學都有認識嫁喇，大家比ｄ掌聲歡迎佢地，咁今日宣佈係咁多，大家返課室上堂啦．．
丹子：原來有交換生呀，唔知係邊班呢？
藍藍：我想知係邊度黎咋
小海：有冇興趣去識呀？
丹子：你知係邊班咩？
小海：你唔記得我地係咩人喇咩？
藍藍：校園姊妹花！
小海：我地有咁多線人，點都會知ｇｅ
丹子：喂喂喂，我地班咪黎左３個插班生嫁咩，會唔會係佢地丫拿？
藍藍：係喎！
小海：你地話黃景天同馬建豪係我就信，周日森？！哼！佢一定唔係！
丹子：你做咩姐？好似人地殺你全家咁既
藍藍：丹子．．．殊．．．．
丹子：海．．．對唔住呀．．．
小海：算啦．．．唔緊要啦．．．
丹子：我冇心嫁．．．
小海：唔緊要啦，我冇事呀，返課室啦
課室中．．．．．．．．．．．．
阿森：藍冰海，你地幾個女仔頭先係禮堂傾咩呀？
小海：叫我小海或者海得喇，問黎做咩呀？
阿森：問下之嘛，聽到你地係度講對唔住之類既野丫嘛
小海：．．．．．．．．．．．．．．．．．
阿森：你唔想講呀？
小海：唔係呀，只不過係ｄ唔開心既野之嘛
阿森：如果覺得係唔開心既，就唔好放係個心度，講比ｄ朋友聽，會舒服好多嫁
小海：．．．．．．．．（望住阿森）
阿森：做咩呀？我塊面有野咩？
小海：冇呀．．．．其實你都唔係咁衰姐
阿森：喂喂喂∼你唔好以為我對你有意思呀，只係唔想身邊多隻鬼咋
小海：白痴！我先至唔會去做鬼呀
阿森：我點知你會唔會咁傻呀
小海：．．．．．．．多謝你
阿森：做咩多謝我呀？
小海：冇呀
阿森：傻更更嫁．．．（不知所措）
小海：喂
阿森：咩呀？
小海：聽日得唔得閒呀？
阿森：做咩呀？你想約我出街呀？
小海：係呀
阿森：嘩，你咁直接既，搞到我有ｄ怕羞添
小海：你會怕羞？！你面皮咁厚，唔係呀嘛
阿森：講下姐．．．咁都唔得．．．約我做咩先
小海：唔係淨係你一個，係想約埋黃景天同馬建豪
阿森：你一個約晒我地三個靚仔呀？！
小海：梗係唔係啦！仲有藍藍同丹子，黃一鋒，仲有ｄ同學都會去
阿森：點解咁多人約埋一齊既？
小海：見你地係新黎，諗住同你地去玩，當歡迎ｐａｒｔｙ囉
阿森：咁好既你地，估唔到喎
小海：咁比唔比面去先？
阿森：好呀！咁幾點邊度等呀？
小海：聽日上晝十點，學校附近ｍ記等，準時到呀，如果唔係唔等嫁
阿森：嘩，主角都唔等呀？！（小海啤住佢）ｏｋ，冇問題！
小海：記住話埋比佢地兩個聽呀∼
阿森：得喇∼長氣！
小海好自然咁整左個鬼臉比阿森，阿森好突然．．覺得小海好可愛．．．．
丹子：黃一鋒，你聽日得唔得唔得閒呀．．．．？
阿鋒：咩事
丹子：聽日呢，我地班新同學搞活動呀．．你黎唔黎呀？
阿鋒：唔知
丹子：你黎丫．．好唔好呀？
阿鋒：你想我去？
丹子：係呀
阿鋒：幾點
丹子：聽日上晝十點學校附近ｍ記等
阿鋒：好
丹子：其實呢，點解你講咁少野既．．．
阿鋒：你想知？
丹子：嗯！我想知呀∼
阿鋒：咁．．我講比你聽丫
阿鋒既過去．．．．．．．．．．．
係好細個果陣，我爸爸同媽媽同我講．．．
鋒爸：一鋒，你覺得自己大唔大個仔呀？
阿鋒：爸爸，我唔係細路仔，我係大人，我８歲喇
鋒爸：咁呢．．．呢度有ｄ錢，一鋒袋住佢，唔好整跌喎
阿鋒：爸爸做咩比咁多錢我呀？
鋒爸：因為一鋒大個仔丫嘛
阿鋒：大個仔就有咁多錢，我要再大個仔
鋒爸：一鋒乖．．．記住要聽大人話呀，知唔知呀？
阿鋒：知∼道
鋒媽：鋒仔．．．（喊）鋒仔乖乖地係屋企下
阿鋒：媽媽做咩喊呀？
鋒媽：媽媽見到鋒仔大個喇，咪開心到喊囉
阿鋒：媽媽，唔好喊啦．．．．
鋒爸：老婆，行啦
鋒媽：老公，我唔捨得呀．．．
鋒爸：行啦．．．再唔行就真係唔想走喇
阿鋒：爸爸媽媽，你地要去邊呀？
鋒爸：一鋒，爸爸同媽媽呢，要去一個地方，所以你要一個人乖乖係屋企喇
阿鋒：我又要去
鋒媽：鋒仔，你大個喇，你要自己照顧自己喇，我地要去好遠好遠既地方
阿鋒：咁你地幾時返黎呀？
鋒媽：好快，爸爸同媽媽好快就會返黎嫁喇
阿鋒：咁媽媽返黎果陣，我要食雪糕
鋒媽：好．．好．．媽媽返黎，一定會買雪糕比你食
阿鋒：好野∼∼∼
鋒爸：咁一鋒要係屋企乖ｄ喇，知唔知呀？
阿鋒：知道∼∼∼∼
鋒爸：老婆真係要行喇
鋒媽：鋒仔乖．．．．
阿鋒：爸爸媽媽再見呀！早ｄ返黎呀！
阿鋒：就係咁樣．．．我爸爸同媽媽就一走了之，係初初果幾年，我真係冇辦法原諒佢地，我一直好恨佢地點解要掉低我唔理，我咁細個根本唔知道點樣做，亦唔知道佢地講緊大話，我相信佢地返黎，佢地走左初初果兩個月，我依然好傻咁係屋企等佢買雪糕返黎比我食，我一直等．．一直等．．我肚餓唔敢自己拎野食，但係我真係等唔到既時候，我記起爸爸媽媽同我講，我大個仔喇，所以我就去拎野食，點知整跌左ｄ野出黎，隔離屋企聽到即刻過黎睇，後來仲報埋警，我唔知點解要去孤兒院，係孤兒院裡面，我有一個好朋友，但係後來佢走左，佢去左一戶有錢人既屋企，我地曾經話過，如果有一日大家要分開既話，我地就以呢個牙印認返大家（伸隻手比丹子睇），但係我知道係無可能既事，因為修女話，呢ｄ係秘密資料，唔可以話比我知佢宜家係邊，就係咁樣我一直都搵緊佢，直到暑假果陣，我搵到黎呢度附近，知道左佢係呢度既學生，所以我就轉左黎呢度讀書喇．．
丹子：（聽到眼紅紅）咁你搵到佢未呀？
阿鋒：仲未呀．．．邊有咁快丫，唔緊要，都係開左學一個星期姐，我相信我一定可以搵到佢ｇａ
丹子：我都幫你留意下丫
阿鋒：多謝你
丹子：唔使喇
阿鋒：其實我一直都冇同過人地講呢件事，你係第一個
丹子：咁我咪好榮幸？（笑）你宜家仲住係孤兒院呀？
阿鋒：我搬左去學校附近住喇，因為到左１６歲就唔可以住係孤兒院嫁喇
丹子：咁你去邊度搵錢呀？
阿鋒：係修女比錢我用嫁，我遲ｄ出黎做野搵到錢，一定要還返比佢，仲要重建孤兒院
丹子：預祝你成功啦！！
阿鋒：果度幾靚ｇａ，搵日我帶你返去玩丫
丹子：好呀．．．（原來阿鋒心目中一直都有個人．．．．）
natalief1231 6-3-2006 21:34
阿森屋企．．．．．．．．．．．．．．．．．．
阿森：喂，班女仔想約我地聽日去玩呀
阿天：下，點解我地唔知嫁
阿豪：係囉？
阿森：拿，我唔理咁多呀，我應承左小海嫁喇，冇得唔去呀下
阿天：咁好啦，我聽日去啦
阿豪：天，你聽日唔係有野做嫁咩？
阿天：冇∼邊有呢？
阿森：唔係喎，我都記得你好似講過嫁喎．．．咪住先，你係咪做左ｄ咩對唔住我地？
阿天：冇，邊有呢．．．我去訓先喇下．．．
阿豪：佢咁怪既．．．我去沖涼先．．．
幾分鐘之後．．．．．．．．
阿森：呀！！！！！！！！！！
阿豪：做咩呀？！發生咩事呀！？有賊？！（係廁所衝出黎）
阿森：阿豪！係咪你整壞左我部電腦呀？！
阿豪：下？！唔係我呀，我尋日用左陣，阿天就搶左去用喇
（入左阿天間房．．．）
阿森：起身呀衰仔！起身呀！！（拉阿天ｄ被）
阿天：唔好呀．．．唔好呀．．．（拉實ｄ被）
阿森：係咪你整壞我部電腦嫁？！
阿天：（坐起身）哈．．哈．．對唔住呀．．我冇心嫁．．尋日我想開ｄ野黎睇．．．點知中招．．
阿森：咁你仲咩唔一早講呀？等我搵人整丫嘛！
阿天：我怕你嬲丫嘛．．．
阿森：你知唔知海天使佢等緊我嫁！！
阿天：對唔住呀．．．！！！
阿森：算啦！算啦！你訓飽佢啦．．！（行左出去）
阿天：真係一額汗呀．．咪喇都係快ｄ訓．．．
阿森：唉．．．．．．．．．
阿豪：算啦，阿天都冇心既．．．．
阿森：唔係呢個問題呀，係人地等我ｏｎ嫁嘛
阿豪：你話果個女仔呀？
阿森：係呀
阿豪：你咁緊張人，不如問佢拎電話，約佢出黎玩啦
阿森：我唔想，我想大家一直ｋｅｅｐ住神秘先至有令人心掛既感覺
阿豪：ｗｏｗ∼估唔到我地既森哥仔咁感性喎
阿森：丫，你個衰仔丫，玩我（係咁整阿豪）
阿豪：喂喂喂，你估佢會唔會係男扮女裝丫拿？（走）
阿森：你個死仔包丫！咪走呀！（追住佢）
ｍ記門口．．．．．．．．．
丹子：喂，果三隻野係咪黎嫁？
藍藍：係囉，你有冇同佢地講呀？
小海：梗有啦，我有叫到佢地嫁
丹子：呢∼佢地黎緊喇．．．
阿豪：對唔住呀，我地遲到
阿森：咩遲到呀，唔遲唔早，時間ｏ岩ｏ岩好
小海：阿叔你望下隻錶幾點丫？
阿森：９點５８分呀
小海：係１０點１５分呀
阿森：下！？唔係呀嘛．．．（望住自己隻錶）咦，壞左？
小海：咁宜家仲係咪遲到呀．．．？唔∼
阿森：係喇，係喇，對唔住，我遲到喇，ｏｋ未呀？？小海姐
小海：宜家好似好勉強你咁喎？！
阿森：咁你想點丫？海姐姐
藍藍：好喇，好喇，你地唔好嘈喇，成日都係度嘈
阿天：係囉，唔好成日嘈啦
阿森：咩姐，玩下之嘛，我地點會真係嘈呢可？
小海：喂喂喂，唔好亂講呀！我同你冇野嫁下
阿天：哈哈，阿森，你就唔係啦，咁樣屈人地既
丹子：做咩呀？周日森你想追我地既小海呀？
阿森：嘩！閘住，送比我都唔要呀
小海：我比豬比狗追，死都唔比你追呀
阿森：係呀，係呀，唔同你嘈
阿豪：喂，果個係咪我地班果個黃一鋒呀？
藍藍：咦∼係喎，點解佢著住校服既？
小海：今日唔係約左去玩咩？丹子你有冇講錯比佢聽ｇａ？
丹子：下？冇可能嫁，我去問問先（走左去阿鋒度）
阿傑：各位早晨呀！唔好意思呀，我遲到
小海；你仲好講，遲大到，全部等你一個咋
阿傑：咦，咁少人既，其他人呢
藍藍：唔好提喇，個個都話唔黎呀，全部都係尋日打黎講既
阿豪：唔緊要啦，我地都可以玩嫁姐
阿天：係喎，今日其實我地去邊玩呀？
小海：今日係去燒野食同游水，之後夜晚就係我屋企玩，你地想玩咩丫？
阿森：去你屋企玩呀？方唔方便嫁？
小海：完全冇問題
阿森：陣間玩玩下世伯，伯母返黎咁點算呀？（藍藍撞左阿森一下）做咩呀？
藍藍：我地宜家分工，男仔去買燒野食用既野，買８個人既份量啦，錢係呢度，交比阿傑喇，你帶佢地去買啦
阿傑：ｏｋ，咁男仔跟我黎啦，咁黃一鋒呢，（望左陣）咦，丹子同黃一鋒去左邊呀？
小海：係喎，去左邊呀？（心中暗笑）算啦，佢地陣間出現嫁喇
阿豪：（心痛）算啦，我地行啦
阿天：咪住先，買完邊度等呀？
小海：買完係返呢度等丫，兩個鐘時間夠唔夠呀？十二點半係呢度等，再去目的地
阿森：ｏｋ！冇問題，出發！！
小海：你識路咩？
阿森：．．．唔識．．．傑少呀可，請呀（叫阿傑帶路）
阿傑：叫我阿傑得喇，我地一齊行喇，陣間見丫
藍藍：嗯，我地女仔去買野飲啦
阿天：你地拎．．拎唔拎得晒呀？
藍藍：（面紅）拎到嫁喇，會有人幫我地手嫁喇
阿天：（尷尬）咁．．咁我地行喇，陣間見丫
藍藍：嗯，小海我地行喇
小海：好呀
另一邊．．．．
丹子：喂！黃一鋒！
阿鋒：咦，劉婉丹，你唔係話ｍ記等嫁咩？
丹子：係呀，佢地係果邊呀？（指住）
阿鋒：咁我地過去啦
丹子：咪住（拉住佢）你點解著住校服既？
阿鋒：啞．．．我．．我冇咩朋友，從來都冇朋友搵我去玩，我就唔知著咩好喇．．．
丹子：唔．．．你跟我黎丫（拉住佢跑）
阿鋒：喂，喂，喂，去邊呀？
丹子：去買衫呀！
阿鋒：唔使講比佢地知咩？
丹子：陣間先啦！
丹子：ｓａｌｅｓ，幫我拎一套衫比佢丫
店員：好呀，請過黎呢邊丫
阿鋒：哦．．哦．．
丹子：去啦，你驚人食左你咩
阿鋒：我先唔驚呀（笑）
丹子：係就行啦（好開心，第一次見阿鋒笑）
（幾分鐘之後．．．．）
阿鋒：．．．你．．覺得點呀？
丹子：．．．．．．．．．（型仔到爆呀）
阿鋒：我都話唔好睇嫁啦，我即刻換左佢
丹子：唔係呀！唔係呀！好好睇呀．．．
阿鋒：真係既？
丹子：係呀．．幫佢襯埋對鞋丫
店員：係
阿鋒：你成日黎嫁？
丹子：係呀
店員：試下呢對丫
阿鋒：唔該晒
丹子：搞掂晒！咁咪幾好睇，走喇
阿鋒：下，唔使比錢咩？
丹子：唔使呀，行啦
阿鋒：點解呀？
店員：佢係呢間舖既老闆既女呀
丹子：行得未呀？（望住阿鋒笑）
阿鋒：多謝你呀
丹子：想多謝我既，就笑多ｄ丫，你笑好好睇呀！
阿鋒：．．．．．．．．．．．（面紅）
丹子：返去喇
阿鋒：嗯
丹子：你面紅好可愛呀（係阿鋒旁邊行過，係佢耳邊細細聲講）
阿鋒：．．．．．．．．．（塊面超紅）
丹子：喂，阿海，你地係邊呀？哦，好丫，我買零食果ｄ丫，陣間見，拜拜
阿鋒：佢地係邊呀？
丹子：佢地宜家去左買野?r，我地都要去買零?r
阿鋒：真係唔好意思呀．．．搞到你地分開左添
丹子：傻啦，陣間咪又係見返，喂，行喇，唔夠時間喇
阿鋒：嗯，你買野，我拎野
丹子：梗係啦，唔通我拎咩？！
阿鋒：又話行，冇時間喇（行喇）
丹子：哈，你跟我講野？！打你丫拿
阿鋒：嘩．．唔識以為你好斯文，識左原來咁惡嫁！
丹子：丫，你丫！咪走呀你！企係度呀！
１２點３０分ｍ記門口．．．．．．．．
小海：丹子，你咁早到左既？
丹子：係呀，我地買好少野之嘛
藍藍：黃一鋒你好
阿鋒：啞．．你．．你好
小海：你好呀，你叫我阿海丫，我可以叫你阿鋒嘛？
阿鋒：可以．．．咁我可以點叫你地呀？
藍藍：你叫我阿藍或者藍藍都得嫁
阿鋒：阿藍你好，阿海你好
阿傑：喂，我地返到黎喇！！（成頭大汗）
阿森：到！！！！
小海：你地做咩呀？成頭大汗既？
阿天：我．．．我．．返到黎喇．．．
阿豪：鬼咩，你睇下佢地，一個二個都係跑返黎嫁！話鬥快喎！
阿森：咩姐，我地唔想ｄ女仔等咋
阿豪：係咩？唔知你喇
阿森：丫，你咁鍾意踢爆人既！？
大家：哈哈．．．哈哈．．．．
小海：夠喇，夠喇，我地行啦
阿天：等我抖返順條氣．．條氣先啦．．
丹子：你睇下你，唔跑得就咪跑啦
阿傑：佢呀！頭先見到幾個靚女行過咋，就懶叻大大聲話自己拎晒ｄ野，搞到佢宜家咁囉
丹子：哈哈，咁真係抵你死喎！
阿豪：識佢咁耐呀，都知佢係咩人啦，哈哈
小海：喂，你地仲講？！行啦，唔想燒野?r？
大家：得喇！小海姐！
natalief1231 6-3-2006 21:34
小海屋企．．．．．．．．．．
阿天：嘩！靚女你屋企咁大ｇｅ？
丹子：呢間係小海其中一間屋黎嫁
阿豪：乜你屋企好有錢嫁？
小海：可以咁講啦，你地隨便丫，當自己屋企得嫁喇
阿傑：小海ｄ野放邊呀？
小海：哦，你放係廚房得嫁喇
阿森：估唔到個海怪屋企咁大咁靚ｗｏｒ
藍藍：你小心ｄ講野呀（笑住講）
阿森：僅記！僅記！哈哈
小海：喂，搞掂晒ｄ野喇，宜家咁曬陣間先燒啦，過黎傾下計先啦
大家：好呀！
小海：我地大家都唔係咁熟，不如大家介紹一下自己丫
丹子：好呀！好呀！我先！
藍藍：哈哈，好，由你開始，之後順住落丫
丹子：我叫劉婉丹，你地可以叫我丹子ａｌｉｃｅ，我最鍾意玩嫁喇
阿傑：到我，我叫林子傑，大家叫我阿傑ｃｌａｒｋ啦，我最鍾意幫人既，哈哈
阿森：我叫周日森，叫我阿森ｗａｌｌａｃｅ，最鍾意打籃球，到你
阿天：我係黃景天，叫我阿天ｔｉｍ，我鍾意追女仔
大家：哈哈，女仔要小心ｄ喇（藍藍望住阿天，阿天即刻唔笑）
阿豪：馬建豪，叫我阿豪ａｌｖｉｎ，性格比較內向，鍾意打籃球
阿鋒：ｕｍ．．．我．．．我．．．
丹子：你怕咩姐，講啦
阿鋒：我叫黃一鋒ｅｄｗａｒｄ，冇咩特別鍾意，到．．到女仔喇
藍藍：我叫姚藍ｈｅｒａ，大家可以叫我藍藍
阿鋒：下？你個名咁得意ｇｅ？ｂｂ訓果ｄ搖籃呀？
藍藍：哈哈，以前好多人都咁講嫁
阿森：你屋企人幫你改個咁既名ｇｅ？
藍藍：我唔知呀？你想知，問我爸爸媽媽丫，哈哈
小海：好喇，最後就係我喇，我叫藍冰海ｒｉｔａ，大家可以叫我阿海，小海都得，鍾意玩
阿森：ｕｍ．．．不如講下自己屋企背景丫
丹子：唔好！！！（望住海）
阿天：你做咩咁大反應呀？
小海：丹子，唔緊要啦，朋友怕咩講呀？
丹子：但係．．．
藍藍：丹子算啦．．．
小海：咁我講先，我屋企呢係好有錢既，呢間別墅係我其中一間屋企，我仲有兩間係唔同地方，不過我好少會去，
通常約埋ｄ朋友去玩，就會用下囉，我有爸爸媽媽．．．
阿森：係人都有ｇａ啦
丹子：你唔好插咀啦
小海：我有爸爸媽媽同埋一個家姐，我家姐同我係冇血緣關係嫁，因為佢係養女．．但係上兩個月，佢地去左日本
旅行果時，咁ｏ岩遇到意外過左身，好好彩果日我唔舒服上唔到機，所以我冇去到，但係估唔到，果次係我最後一次見到佢地．．．．
阿森：喂，海對唔住呀．．．我之前冇心頂撞你ｇａ．．對唔住
小海：唔緊要啦，我冇野喎，你地做咩咁望住我姐，我冇事呀，到你講喇
藍藍：我屋企算係小康之家黎ｇｅ，冇咩特別，我係獨生女，屋企成日都冇人，因為返晒工，所以成日都係睇書
阿鋒：我．．我．．．我呀．．．
丹子：你唔想講既話，就唔講啦
阿鋒：我想講．．我想講比你地知，因為你地係我第一班朋友
阿豪：你之前冇朋友嫁咩？
阿鋒：其實我係一個孤兒，細細個比爸爸媽媽拋棄，所以入左孤兒院，但後來大個左要搬出去住，原本我好憎我爸
爸媽媽，但係．．．佢地走左幾年之後我先知原來佢地自殺死左．．．．
小海：原來．．我地大家都係孤兒．．．
阿森：咩孤兒咁難聽姐！！你地仲有我地丫嘛！！係咪先？！
阿傑：係呀小海，你仲有我地班朋友呀！阿鋒你都係呀！
阿天：好！咁由今日開始，我地８個人就係“迎風少年”啦！
丹子：點解呀要叫迎風呀？！
阿天：知唔知迎風英文係咩丫？
藍藍：ａｗｅａｔｈｅｒ
阿豪：我知點解，呢度有８個字，８個字分別代表左我地每個人既英文呢字頭，係咪呢？
阿天：果然係老友！心靈相通！愛死你
阿豪：嘩！多謝晒喇，我受唔起呀，陣間唔知會唔會比人打到變豬頭呢？
藍藍：點解咁講既？
阿豪：佢以前有個女朋友．．．
阿天：喂！
阿豪：都係唔講喇．．．
大家：．．．．．．．．．．．．．
小海：燒野食喇！！
丹子：好呀
阿傑：我去廚房拎野食
阿森：咁我地就幫手起爐啦
小海：唔使喇，一早起左喇
阿天：嘩！比個女仔叻過自己添
丹子：你咁講，即係睇小我地ｄ女仔啦
阿天：我冇咁既意思．．．
丹子：算你啦
藍藍：不如你地幫手拎野飲丫
阿豪：好呀
阿鋒：我．．．我又黎幫手丫
（燒野食的時候．．．．．．．．．）
丹子：阿鋒，其實你唔使咁拘謹嫁，我地已經係“迎風”丫嘛
阿鋒：哦．．我．．我知喇
藍藍：你又黎啦
阿鋒：其實我一直都冇朋友，唔係好識同人相處，希望你地唔會嬲我啦
阿傑：我地點會嬲你呢，朋友丫嘛
小海：朋友要黎做咩ｇａ？
大家：支持！！
小海：ｙｅ＠ｈ∼∼！！飲杯！
阿森：有咩飲呀？
小海：啤酒，汽水，清水你想要咩丫？
阿森：我要汽水丫
小海：好呀（去左拎）
阿森：姚藍
藍藍：咩呀？
阿森：其實．．海屋企發生ｄ咁既事，佢係咪好唔開心嫁？
藍藍：比著係你，你都唔開心啦，佢係一個好堅強既女仔，有咩事都唔會話我地知，佢唔想我地擔心，成日有咩唔開心都會收埋，唔同我地講，佢怕我地會擔心，但係．．我地真係好想佢喊嫁，至少佢識喊，即係冇事啦．．．但係．．到左宜家佢都冇喊過一次，就算係喪禮．．佢都冇喊過．．．．唉．．好擔心佢
阿森：原來係咁．．．我咁多次提起佢屋企添．．．
丹子：你宜家知就唔好再講喇
阿森：我知喇
丹子：我地真係好擔心佢嫁，一直都好小心，唔比人係佢面前提起，唔想佢再唔開心．．．
阿森：為左補償返之前既錯，有咩需要我幫手就出聲啦！
阿天：喂，各位有野要幫就快出聲喇，森少好少咁講野ｇａ
阿森：丫，你兩隻野成日都係鍾意搞破壞嫁喎（望住天同豪）
小海：拿，你既汽水呀
阿森：唔該晒，我去一去廁所先（行左去）
小海：你地頭先傾緊咩呀？
大家：冇，邊有野呢
小海：唔似喎，個個ｄ樣都怪怪地咁既
藍藍：小海呀．．．你唔信我地呀？
小海：你地做咩姐？我講下笑之嘛
丹子：我地去游水ｌｏｒ
阿豪：好呀
藍藍：阿天你去唔去呀？
阿天：好呀
丹子：阿鋒你都黎丫
阿鋒：．．ｕｍ．．
阿豪：諗咩姐，黎啦
阿鋒：嗯！等埋我呀！
阿傑：小海，你去唔去呀？
小海：唔喇，我執埋ｄ野先啦
阿傑：我幫你手丫
小海：唔使喇，你去啦
阿傑：不過你一個人
小海：去啦，你係客人黎ｇａ嘛，陣間我過去ｇａ喇
阿傑：咁好啦（出左去泳池）
阿森：咦，佢地去晒邊呀？（廁所出黎）
小海：哦∼佢地去左游水呀，你去唔去呀？
阿森：唔喇，我幫你手丫
小海：你去玩啦
阿森：我唔想落水呀，我幫你手啦
小海：咁好啦．．
（幾分鐘之後．．．．）
阿森：搞掂晒喇．．．
小海：係呀，飲唔飲野呀？
阿森：好呀（海去左拎）
小海：拿，得返啤酒飲唔飲丫？
阿森：怕你呀？
小海：冇人話你會怕我呀
阿森：．．．．．．．．．．．
小海：做咩呀？平時唔係頂我嘴嫁咩？
阿森：對唔住
小海：你地今日一個二個做咩咁怪既？為左我屋企既事？
阿森：．．．．．．．．．．．（點頭）
小海：傻瓜，呢ｄ有咩好介意呢
阿森：總之對唔住啦
小海：得喇，得喇，去游水啦
阿森：好呀
natalief1231 6-3-2006 21:34
抄人地論壇既
||漓=]` 10-3-2006 22:21
好 好 睇 下 牙 * 快 D PO 啦 '' 十 卜 ``
紫韻﹏ 13-3-2006 00:05
經過我咁耐ge努力~(and8掛性格)
我搵到個網la~
個故事好好睇嫁~
希望大家比心機睇~
我好多謝個作者ar~
^^
thx thx佢~
[url]http://www.nakuz.com/showposts.php?tid=2122046&page=1[/url]
唔好話我太長氣~
因為真係太好睇la~
ya ya~~
and呢個故事好好~
又唔吊人引喎~ ^^
個作者用左好多心機嫁~
I love it~
it=呢個故事~唔係作者~
==''
[[i] 本帖最後由 紫韻� 於 2006-3-13 00:07 編輯 [/i]]
茵茵B 13-4-2007 12:14
*** 作者被禁止或刪除 內容自動屏蔽 ***
玲.. 18-4-2007 21:21
快d POST LA ...
我十卜你嫁 ~~~
:victory:
chelsea5 13-7-2007 19:32
好好睇呀.....可吾可以post曬全部呀??
chelsea5 16-7-2007 17:45
呢篇野我去其他論壇睇曬lu
頁:
[1]