08415 15-4-2008 17:33
曾經......
曾經我遇過不少異性，當然曾經都有令我心動嘅一Part,但都只係一瞬間，自不然感覺冇了，關係自然就會被忽略、淡忘、再到結束。
我唔知曾經有幾多人想同我一生一世，但原來我真嘅唔係可以一生一世嘅人。
‘唔專一、花心，玩弄’==詞語不斷形容我對感情嘅態度。
事實真嘅係咁？？？
試問有邊個唔想俾一個人同時愛著一個人一生一世吖。
但我嘅一生一世會係幾長呢？
5年？10年？20年？
我越嚟越唔清楚愛一個人嘅感覺係點嘅啦，掛住一個人又會係幾咁心不在焉啦。
究竟係我唔敢愛吖定係我冇資格擁有愛呢？
被人愛著嘅幸福........曾經有人俾過我，我一直都冇忘記呢種感覺，但我亦無法再回憶啦。
我曾經最長嘅戀愛係采我非全心全意下維持3年時間
如果唔係我嘅理智，我可能已經做咗佢太太啦
但呢個並非我所難忘，並非我所要回味嘅。
曾經最無乜意義嘅關係，持續一年幾時間
我接受佢之後，反正我哋年幾時間只見過2次面，因為各自忙著。
曾經最令我心動亦最舍不得嘅卻係無形中發生嘅關係
從認識－溝通－接觸－掛念－再到中意－分開，只係３、４個月時間
但呢３、４個月卻係我無法忘記嘅點滴
但呢３、４個月佢俾我全世界嘅幸福，卻我無法回復佢嘅付出。
呢３段感情經曆我嘅一切甜酸苦辣，至於其他．．．我諗冇乜意義好講，因為要付出嘅我都付出過，結束咗就冇咗，一切都只係曾經嘅擁有。
到依家我依然會期待有人可以俾到屬於我同佢嘅曾經我，我都亦會期待一生一世嘅出現，無論呢個一生一世有幾短，只要擁有過時間並不重要。