CaRmEn_kaka 17-10-2007 21:15
好好睇呀...post
Hannahpoon 18-10-2007 19:04
今日放學，子軒見到信箱有信
子軒：
我出得院啦
我想你比一個禮拜我，做我男朋友，比我清楚究鐘意邊個
今個禮拜天朗做我男友先，你下星期開始，係海洋公園等∼
傲兒
天朗同傲兒係太平山山頂慢步
傾計．．．食野．．．睇景．．．
係呢個禮拜裏面，傲兒覺得天朗比佢既感覺好ｓｗｅｅｔ，溫柔體貼，不過就無一種牽掛既感覺，同佢講再見之後，無掛住，好想再見既心情
第二個禮拜
子軒早半個鐘係海洋公園門口等傲兒
玩樂．．．參觀．．．休息．．．
同子軒一齊呢個禮拜，傲兒感覺到一種快樂、輕鬆既心情，而唔係好似同天朗咁有ｄ緊張、拘緊既感覺，番屋企既時候，超掛住佢，直程唔想訓，日日夜夜都同佢一齊
其實，
係傲兒心目中
佢係鐘意子軒多ｄ
但佢又唔識點拒絕天朗既愛
覺得拒絕左天朗會對佢唔公平，令佢失望，
因為係傲兒既決定中係無對任何人造成傷害
只不過，
佢對子軒既愛係無可否認既
呢種感覺係一種戀愛、愉快
啫係情侶響嚮往既感覺
係某ｄ情況下，傲兒係要遷就天朗
但同子軒，果種唔算係遷就，而係尊重對方意見
係第一個禮拜既其中一日．．．
朗：係喎，我聽朋友講，佢鐘意女朋友既理由，等我唸下先．．．我鐘意你因為你可愛，唔野蠻，細心體貼．．．
傲兒笑一笑
第二個星期．．．
傲：子軒，你可唔可以講出你愛我既理由？
軒：我愛你無理由
傲：點解？（好驚訝，無人會愛得無理由）
軒：愛你點解需要理由呢？唔通有日你變到好醜樣，我就唔愛你？唔通你變到任性，我討厭你？愛一個人唔係因為有個人既特色，性格。我愛你既理由只得一個，就係我愛你。愛唔係一種理由既結果，而係感情既結晶。
待續...
janetk 21-10-2007 02:37
very good ar^^ support support=]
Hannahpoon 22-10-2007 15:55
傲兒聽完子軒講既野之後
發覺自己仲未好了解佢
佢接受到子軒既答案
但完全唸唔到愛既解釋原來係咁
佢決定，由今日開始，要好好了解愛既原理
電話響∼
媽：傲兒，係我呀！
傲：咩事呀？咪講左今晚帶個朋友（子軒）上離食飯囉
媽：知啦知啦，記住７點鐘好番離啦∼
傲：嗯∼
屋企．．．
叮噹！（呀媽開門）
軒：伯母你好
媽：咦？你唔係叫天朗上離咩？〔指入去一早離左既天朗（傲兒呀媽打比天朗，其實傲兒淨係搵左子軒）〕
朗：ｅｍ．．．唔緊要啦．．．一齊食一齊食（扮無野，其實好介意）
食飯．．．
軒：食ｄ菜啦（夾比傲兒），伯母食件雞胸肉
媽：唔該（唔係幾妥佢）
朗：伯母，雞多油呀，唔健康嫁，唔好食咁多喎∼
媽：咁又係呀，就比你啦，後生仔食多ｄ無所謂∼
朗：多謝∼
ｄ人走晒．．．
媽：啊兒，你同個子軒係番埋一齊呀？
傲：ｅｍ．．．
媽：唔好黏咁多個子軒啦，天朗好男仔離嫁，可以發展喎
傲：媽呀．．．係喎，問你一個問題
媽：問啦∼我係愛情方面就露兩手你睇∼
傲：米玩啦，認真ｄ！你認唔認為愛係無理由？
媽：一半一半啦∼如果係一個外人既角度就有囉∼就好似咁：你覺得點解我會鐘意你嗲ｄ？
傲：佢事業有成，為人穩重
媽：就係啦，你係外人角度睇，就有咁既睇法。但係我地立場方面，當年我鐘意你嗲ｄ既時候，佢仲係一個打工仔，追我既人大把，有超靚仔，有好有錢，但係我都係揀左你呀爸，就係因為一種感情囉∼
傲：哦（傲兒覺得自己突然間明白左好多野）
傲：咁你可唔可以話我知點解你唔鐘意子軒鐘意天朗？
媽：哦！人人都知啦∼天朗多才多得，為人又細心過子軒麻
傲：頭先你米講過囉，你鐘意嗲ｄ係因為一份感情，我對子軒都一樣
媽：但係．．．之前你同子軒一齊既時候，成績大跌，證明你同佢一齊係會令你忽略好多野。反而同天朗就可以係學業上幫到你
傲：又好似岩．．．
諾情屋企多左個客人．．．
情：傲兒．．．你搵我唔知有咩事呢？（驚好朋友上離「尋仇」，又唔想反面）
傲：我上離係想問清楚ｄ野關於．．．我地
情：我好對唔住，子軒．．．
傲：我知你地分左手。但我想問：你仲鐘唔鐘意佢？你要老實答我
情：鐘．．．鐘意。傲兒，好對唔住呀！我都唔想嫁，我．．．我唔想嫁．．．
傲：我知人要愛一個人係無原因，我唔會怪你。不過我想知，你點解唔同子軒講ｍｓｎ既事？
情：你知．．．道啦？
傲：嗯
情：我好愛佢，唔想無左佢．．．好對唔住呀，我知我做錯啦，求你原諒我啦
傲：我明既．．．
情：我知你唔會原諒我，不過都好開心你聽我解釋．．．
傲：我知本來我應該要嬲你，不過，話晒咁多年朋友，就．．．
情：傲兒∼（喊喊喊．．．）
傲：我已經有決定，想你幫我，唔好話比子軒聽
諾：ｏｋ
待續...
Hannahpoon 24-10-2007 17:28
傲：天朗，暑假就快完啦，我地後日返去英國∼
朗：哦！（超開心，傲兒肯跟佢返英國證明選擇左自己）
傲兒同天朗返英國果日
子軒無離到
因為佢唔知呢件事
諾情無同佢講
諾情無期望傲兒會同返自己做ｆｄ
只不過佢會內疚
傲兒揀左天朗
大部分原因都係呀媽既話
認為自己無理由拒絕天朗
因為係個人、愛情、學業同生活方面都係由天朗做伴侶係最適合不過
子軒知道傲兒跟左天朗之後無嬲佢
反而覺得佢呢個決定係有佢自己既原因
但傲兒係子軒心裏面愈來愈佔據一個無可代替既地位
因佢既離開而帶比子軒一種思念
仲有想知果邊既生活
同埋．．．
佢同天朗既感情發展
ｍｓｎ
傲兒封左子軒
有一日，
天朗用傲兒既ｍｓｎ同子軒講野
因為驚用自己既
子軒會唔接受 ＼（＠＠）／
朗：ｈｉ，我係天朗
軒：你用傲兒ｍｓｎ？佢知唔知？
朗：唔知。我想同你講ｄ野
軒：咩？
開左ｗｅｂｃａｍ．．．
朗：我．．．傲兒．．．
軒：傲兒揀左你呀麻
朗：係呢３個月期間，我同佢相處發覺傲兒心裏面，我只係你既代替品
軒：下？
朗：無錯。佢心裏面無放低你，佢之所以離開你，因為有ｄ外在既因素影響
軒：你又知？（有ｄ開心，因為喺人地親口證實左自己既猜測係無錯）
朗：佢對我有避忌就在所難免嫁啦。有一次，我問佢：點解你唔揀子軒呢？佢話：唉，仲提做咩喎，你係學業又幫到我，我地又一齊住係英國。
軒：跟住佢點講？
朗：佢唔係太想題起，啫係佢唔想面對你，應該係因為就咁走左去好似有ｄ唔好意思掛
軒：嗯．．．咁你同我講呢ｄ野有咩目的呢？（請注意！！呢句話係無挑引性！！）
朗：我係愛傲兒，所以唔想佢唔開心，我認為應該比佢選擇番自己所愛
軒：但又話會影響外在問題？
朗：呢ｄ野係可以係人為方面改變，何況我地比以前成熟，相信可以有理性咁處理
軒：咁又係．．．
朗：傲兒，不如打比子軒啦
傲：點解？有咩事？
朗：你打比佢就清楚嫁啦
傲：子軒，天朗叫我ｃａｌｌ你
軒：傲兒，我知你呢幾個月唔係幾開心，天朗同我講左啦，我知道你對我仲有．．．ｆｅｅｌ，係米？
傲：我．．．但有好多原因，我地盡量唔好係埋一齊
軒：我明。天朗講得岩，我地已經唔係以前既中學生，大家既成長識得點理性，希望你明
傲：子軒，你．．．你仲鐘意我咩？
軒：嗯！
待續...
Hannahpoon 25-10-2007 16:18
電話．．．
情：喂？
傲：係我呀
情：有咩事呢？（好鎮定）
傲：我唸得好清楚，我地既事唔應該拖得大家咁辛苦
情：你．．．你想絕交？（好驚，唔想就咁無左個朋友）
傲：唔好誤會，我而家終於明白咩叫愛係無理由啦，我唸你都一樣，所以．．．我地可唔可以做番好朋友？
情：嗯！（雖然唔係幾明，不過都好開心） 咁你同子軒．．．
傲：我地係番埋一齊啦！
情：恭喜晒
傲：你放得底啦？（奇怪佢可以咁開心）
情：我而家都學識咩係愛，愛唔一定因拍拖而存在，係一個人教識我呢一點
傲：邊個？
情：柏恆（超細聲）
傲：哦！唔怪之得啦，原來有新戀情先放得底子軒∼（有ｄ奸笑－ｏ－）
情：米笑人啦（好怕羞喔∼ｑ∼）其實，我發覺自己對子軒都唔係果種真正拍拖既感覺，係柏恆先比到呢種ｆｅｅｌ我∼
英國．．．
朗：傲兒，恭喜你同子軒呀！
傲：多謝你．．．不過，你唔係鐘意我咩？
朗：能夠比自己心愛既人幸福唔係只得戀愛一種，係佢身旁支持佢，同埋令到佢快樂，啫係等佢揀自己心愛既野，都係一種自己對佢既愛既另一種表示。呢ｄ野係係子軒身上學到
傲：子軒真係好愛我．．．（自言自語）
朗：我地仲係好朋友可？
傲：係，一定係！
朗：子軒會係下個月聖誕節離英國
傲：好耶！
聖誕節假第一日．．．
子軒到左傲兒屋企
軒：我既好女朋友∼ｂｏｙｆｒｉｅｎｄ到左有無預備節目比我地去玩呀？
傲：緊係有啦∼好ｂｏｙｆｒｉｅｎｄ∼我地去賽車！哈∼
軒：唔係嘛，賽車香港都有啦
傲：呢個賽車刺激好多！呢ｄ係真沙漠到賽嫁！
軒：哇，咁正∼而家就去啦！
傲：好！
待續...
CaRmEn_kaka 28-10-2007 22:13
post喇...
Hannahpoon 31-10-2007 18:44
賽車場．．．
大家戴晒安全頭套、手套
入「戰車」
玩左四個圈
傲兒係車裏面講：子軒，最後一圈決勝負！
軒：好！
一齊踩油．．．
轉圈位
突然間
「砰、砰、砰」，跟住沙聲．．．
傲兒即刻走落車．．．
傲：子軒！
急症門外．．．
醫生：病人情況唔樂觀，你可以入去睇佢一陣
傲：唔該
傲：子軒呀！你一定要醒番呀，我等緊你嫁．．．（喊喊喊）我好愛你呀，唔好唔理我．．．我求下你．．．求下你快ｄ醒啦．．．點解受傷果個唔係我呀（喊喊喊．．．）
第二日．．．
傲兒又去探子軒
軒：傲．．．
傲：子軒！你醒啦？
軒：我個心臟．．．好．．．痛
傲：我同你ｃａｌｌ醫生！
．．．
醫生：病人情況唔好，你盡量陪佢啦，對唔住，我地都無能為力
軒：傲兒．．．無論如何．．．你都要堅強生存落去．．．．．．
傲：唔會嫁唔會嫁．．．你唔會死嫁．．．唔會．．．
軒：傲兒．．．我愛．．．你（斷氣）
傲：子軒！唔好死呀．．．我愛你．．．
子軒既死
令傲兒成長左好多
佢明白到要珍惜每一個人
佢同天朗無發展，因為佢最愛既係子軒；
天朗知道消息後
當然為佢傷心
但佢最需要做既係
留係傲兒身邊，支持佢，鼓勵佢；
諾情收到子軒既死訊後
好難過
不過有柏恆係佢身邊安慰佢
更加令佢好好珍惜柏恆；
當大家傷心難過既同時
子軒會默默守係佢地身邊
~完~
仲有一個諾情同柏恆既故事
我d fd話諾情個故事好睇d
但我唔知post唔post好.....
比d意見~ xd
CaRmEn_kaka 31-10-2007 19:18
lee個好睇d...
Hannahpoon 13-11-2007 13:51
人物介紹
諾情：女主角，坦白直接，樣ok啦，成績唔錯（唔好同１０Ａ果ｄ比），幾受歡迎（包括女同學＆男同學），讀某間大學既中文系
柏恆：男主角，有錢仔，唔係花心既男仔，同諾情讀同一間大學，不過係商科，學校會長，但對文學比較有興趣，但因為屋企既企業，被迫入商科，幾型仔，好多女仔追
殷言：柏恆前女友，好靚，曾經同柏恆讀同一間中學，好溫柔同細心，係一個好女仔，屋企都好有錢
傲兒：諾情好朋友，靚過諾情，不過無咁受歡迎
柏恆呀媽：好注重身份地位，唔鐘意太熱情同下等階層（咩程度就你地諗）既人
老師：諾情，今日中文系學長病左，你頂佢個位先啦，今日去開會（講完就走左）
諾情超無奈咁接受左呢個突然其來既任務
次次個多病怪學長請假都係由佢出席．．．
開會．．．
恆：佢又請假？！唔可以再比佢做學長啦，諾情，你咁幫得手，就你做啦！
情：下？！我？（超唔想）
恆：係呀，有問題咩？
情：我驚我負擔唔離．．．（作故仔．．．）
恆：唔會既∼你咁掂∼就你啦（求其讚兩句就比左個「重任」諾情）
諾情又係無奈咁離開會議室
今日太多「無奈」啦．．．
諾情決定去圖書館搵另一個形容詞（其實去行下啫）
一坐底．．．
哈痴！
諾：搞錯呀！（其實個人都無整到佢）
恆：ｓｏｒ呀∼咦？係你呀？
諾：柏恆？
恆：今日開會好似唔係咁開心喎，唔想做學長？
諾：你知就好啦．．．（係米唔洗我做？？？）
恆：但你真係勝任有餘ｂｏｒ
諾：最衰就係個多病怪！
恆：唉．．．算啦算啦，你試下做啦，我請你食野當慶祝你學長新任！
諾：咁都好慶祝？唉．．．算啦，見你咁有成誠意，就是是但但咁應酬下你啦∼
柏恆覺得佢好得意
情：喂！我地幾時食飯呀？
恆：咁心急？！
情：係呀！唔得咩？（好串）
恆：得得得，得罪你米又要請多餐！我至無咁傻
情：算你啦∼今日放學接我！（覺得佢幾好蝦）
放學．．．
情：好準時ｂｏｒ∼ｅｍ．．．你可唔可以做我ｂｏｙｆｒｉｅｎｄ？（玩玩下啫．．．）
恆：下？
情：係呀，得唔得？
恆：咁直接嫁你．．．
情：係呀∼ｓｏ？
恆：好啦好啦，試下啦．．．（有好多女仔都問過佢呢個問題，但佢都拒絕左，但唔知點解對住佢就唔想ｓａｙ ｎｏ．．．）
第一日．．．
情：喂！拍拖嘛，做咩唔拖手啫（「第」起隻手）
恆：哦．．．（無奈咁拖）
有班同學行緊過離
柏恆即刻鬆手
情：做咩ｗｏ？你ｄ同學唔知我地拍緊拖咩？
恆：唔知嫁，你ｄ ｆｄ呢？
情：今日先第一日，佢地點知ｗｏ
恆：米係囉，今日先第一日，我ｄ同學點會知呢？係呀係呀，唔好同其他人講呀，我唔想其他人知呀！
情：唉．．．得啦得啦，麻鬼煩！
第五日．．．
情：星期六你帶我去你屋企
恆：下？咁快．．．
情：有咩問題啫，唔通你屋企有ｄ問題．．．？（唔知柏恆屋企超有錢）
恆：唔係．．．
情：咁就得啦∼
待續...
Hannahpoon 14-11-2007 15:58
星期六．．．
柏恆屋企
情：嘩！好大呀！（複式豪宅）
柏恆呀媽：你係佢女朋友？
情：嗯
媽：你離做咩？
恆：係．．．係我帶佢離嫁．．．（知道呀媽唔鐘意，諾情都感覺到有ｄ唔愉快既ｆｅｅｌ）
情：ｓｏｒｒｙ伯母，我走先（轉身行出門口）
恆：諾情！（追）
情：咩事？
恆：唔好意思呀，你．．．你入番離啦
情：唔啦．．．你媽咪好似唔係太鐘意我啦．．．你番入去啦
恆：我．．．送你番去先
情：哦（有小小唔好意思，但唔想拒絕，好似想同佢相處耐ｄ）
一個月後．．．
柏恆同諾情拖住手行緊街
情：柏恆．．．
恆：嗯？
情：我地分手啦．．．
恆：點解？（好緊張）
情：我地．．．玩夠啦
恆：玩？咩玩？
情：我同你．．．
恆：你話你只係當呢段感情係一場遊戲，玩完就走？
情：對唔住
恆：但我就放晒感覺落去．．．我太傻（自言自語）
情：你．．．愛我？
恆：由你第一日同你拍拖，就當你係我女朋友（無嬲諾情，只怪自己認真）
情：我．．．開頭．．．玩．．．但而家．．．唔知
恆：唔好走
情：我．．．好亂
恆：比個機會我
由而家開始，佢地先算係真正拍拖（對於諾情）
柏恆，由諾情要求佢做男朋友，
都認認真真咁愛佢，
開頭無咩感覺，但日子耐左，真係負出所有感情
雖然柏恆唔認同ｄ當感情玩玩下既人
但可能佢對諾情既愛已經好深
亦覺得佢都對自己唔係普通感覺
就怕怕羞羞咁請佢繼續做自己女友
拍拖對諾情已經簡單得無得簡單
以前既佢，男朋友多到紅綠燈咁轉
當時大家都知道對方負出既都唔係真感情
而佢之前都係以為柏恆都係咁
但估都估唔到
佢係一個從未遇過既男友
對佢係真．．．
拍左拖６個星期（計埋之前玩玩下既一個月）後．．．
恆：諾情，以後唔好離開我
情：．．．
恆：唔會勉強你
情：．．．
恆；點？
情：唔清楚．．．（講得好細聲）
柏恆繼續行
聽到諾情答覆後就好似無事發生
佢想同諾情永遠維持呢個狀態
諾情都唔知自己講左咩
因為自己都係「唔清楚」自己
佢都想維持呢個狀態
佢想留係柏恆身邊
但又唔敢面對
因為自己從來未真正愛一個人
無「真」男朋友既時候可以好「瀟灑」咁戀愛
所以都唔知自己應唔應該繼續愛佢
定係即刻放棄呢？？（愛得太深係會麻木）
待續....