tracy_ting93 21-6-2007 21:51
咩星座老婆最鍾意shopping呢？
白羊老婆
白羊老婆未必真係下下嚮往名牌，不過呢鍾意追潮流貪新鮮買最勁最好就係肯定；另外係白羊老婆一向為人都較為衝動，買野碌咭面不改容，唯一的解決方法係培養下佢買乜前都問下你意見，等你做下防火牆都好！
金牛老婆
講到出晒名識歎識享受的金牛老婆，好消息係佢唔係真係咁鍾意買野，亦都唔會亂駛錢，仲有好強的理財能力；不過壞消息係佢一係唔買一買就要買到至好，兩三萬買個手袋都面不改容，好彩大都可以保值！
雙子老婆
論名牌咩？佢又未必有興趣；論潮流咩？佢都唔鍾意跟人尾，但係咪開心住，雙子老婆興趣嗜好特別多，呢頭話要學打網球，果頭又話要學西洋畫，買埋一大堆相關物品，所謂山大斬埋有柴，不過係畀人，都易破產！
巨蟹老婆
持家有道的巨蟹老婆當然唔會亂駛錢啦，不過呢，講到食同住方面，佢都幾捨得用錢，例如廚房Ｄ砂煲鑊鏟隻隻都唔係平貨，又同埋佢買材料煮飯都好捨得，幾百萬一舊松露買返你炒蛋煮飯你食！
獅子老婆
真係唔好意思，獅子老婆普遍性都係有瘋狂購物的傾向，分別只係睇下佢屬於淨係買最奢華的，定係屬於平平地就ok類，不過就算佢屬於邊一類，佢都會係好瘋狂買到停唔到手果隻，扭蛋都可以扭到你一屋都係果隻！
處女老婆
處女老婆本身係屬於唔多鍾意亂駛錢果隻，佢仲好叻理財添！咁娶著個處女老婆咪好幸福？咁就見仁見志啦，事關佢係唔單止自己唔鍾意亂駛錢，佢仲會連你都唔畀亂駛錢！收埋你Ｄ錢得閒一齊數下佢Ｄ錢咁囉！
天秤老婆
至於講到天秤老婆呢，佢就出晒名鍾意扮靚，所以講到shopping囉喎，就梗係佢個「阿飛佛」活動啦！好彩，天秤老婆追求的只係靚，唔一定話要下下講到買名牌，算係從中幫你慳返唔少錢咁啦！
天蠍老婆
基本上，對天蠍老婆來講shopping唔係佢鍾意的活動，因為佢有好鬼多人生目標要處理，不過呢，shopping係佢其中一個減壓的方法，所以你會耐不耐就發現佢會買埋好多無謂野，你連底褲都可能有幾十打！
人馬老婆
呢位老婆唔係特別鍾意買野，不過同樣會有好多野響屋企，因為佢鍾意四圍騰，一有新場或者介紹過Ｄ咩地方佢都忍唔住要去睇下，然後十次有五次都忍唔住手買Ｄ紀念品返屋企，久而久之都係小數怕長計！
山羊老婆
大部分的山羊老婆都唔太鍾意隨街行，不過又冇話佢唔鍾意買野，佢通常都會因應某一Ｄ因素而想買野，例如天氣轉涼，佢可能會突然想買個暖水袋又或者聯想到買過張被咁；另外佢一係唔買一買就要買最好！
水瓶老婆
講到呢位老婆就要睇你彩數啦！事關佢係屬於一係唔買野（仲要真係一Ｄ都唔買果隻），一係呢就會瘋狂地買，無節制的買埋一大堆無謂野，就係咁一個個周期咁循環，好彩的可能佢會耐Ｄ先瘋狂購物一次！
雙魚老婆
好大部分的雙魚老婆都會因為無乜野做而用shopping來寄託下，不過最死怖的地方係好容易因為咁而令佢患上病態購物症，即係已經去到唔買唔舒服果種程度，所以有個雙魚老婆，請努力賺錢啦！
suki^.^ 24-6-2007 17:25
雙魚老婆
好大部分的雙魚老婆都會因為無乜野做而用shopping來寄託下，不過最死怖的地方係好容易因為咁而令佢患上病態購物症，即係已經去到唔買唔舒服果種程度，所以有個雙魚老婆，請努力賺錢啦！
=.=